【有數得計/德哥】第一場「錢途再現」今季養回健康後,既可以有正常出賽時間表,亦已經取得1冠1亞,可以話全面踏上正軌,上仗出戰田草1200米同程,末段造23秒13後上掄元,而且贏對手接近兩馬位,擺明係超級分子,今仗續配蘇兆輝跑此程,擺明車馬謀連捷。
路路之星試閘仄準 第二場「路路之星」來港後四度試閘,其中近兩課均由潘頓經手及有好走勢,放又得追又得,今仗初出雖然抽到十三檔,未必係太大問題,如因而換來好分頭更值一試。 第三場「與龍共舞」近兩仗均在韋達胯下取勝,今次配合騎者掛靴日上陣,如果人馬可以再下一城,必成一時佳話,而韋達全日坐騎亦以此駒勝望最高。
老友記隨時放到 第四場「老友記」上仗初配蘇兆輝跑獲亞軍,人馬相當合拍,今次抽到二檔形勢一流,且戰且走隨時放到。 |