「陽光大地」踏入5歲成熟進步，有力添食。

【甘屋藏料／甘甘仔】豬年第一次谷草賽事，當晚頭七場都係熱門天下，連贏位都唔過300蚊，當日我買買吓都開始轉買返熱門不刻意求冷，才追回一點。點知尾兩場熱頭冷腳又爆穫甘，尾二嗰場隻「盛大光輝」殺入平頭冠軍，獨贏分咗一半都仲有近千蚊，尾場兩隻腳位置都過百蚊，咁先好賭，多得雷神當晚無咩表現所致。今次賽事重頭戲多籮籮，包括兩場一級賽女皇銀禧紀念盃及香港金盃，以及打呲前哨戰的香港經典盃，戲碼精采可期。
第二場「陽光大地」之前在泥地屢拼得個近字，上賽轉戰此程立即試出彩虹，以兩個幾身位大勝對手而回，當勇馬加7分唔算多，可梅開二度。「好好利高」初出在谷草作熱身，上回轉戰同程即響勝鼓，3歲仔大幅進步，不變途程擺明是食髓知味。「牛精大哥」剛戰初跑此程即大幅提升名次殺入季軍，3歲仔似已找到出路，仄準再戰相信勝券在握。「極爽」賽前試三課大閘全上名，4歲馬出腳熟如舊馬，首回合不排除已有危險性，半冷對象。