[甘屋藏料/甘甘仔]上仗周三賽事，最終田泰安勝出國際騎師賽，對很多馬迷而言係反高潮，今次參賽的十二位騎師包括了英國、法國、愛爾蘭、新加坡、澳洲維省和香港的冠軍，偏偏全部都輸給了一位來自毛里求斯的「不是冠軍」騎師，唔通真係跑馬而唔係跑人？莫雅今年風頭不及以往。一來今次騎師賽陣容強勁，二來他今年在歐洲的成績一般，第七場「盛大光輝」是他關鍵賽事，如果贏了這場，他就很有機會勝出總冠軍，但偏偏功敗垂成。賽後頒獎，他難掩失望之情，這個第二，對他而言不是安慰獎，是慘敗。

今次賽事心水第三場「聚才」達少新馬，早上所見都有板有眼，練者親操相當緊張，隨時平地一聲雷。「路路之星」坦白依隻馬真係好難賭，經常性熱到辣手，今季兩戰1亞1第四，現評分於三班配上輕磅出戰，晨操火氣十足，毛色吸引，相信交代日子不遠。「淺草飛」來港初評已高達74分，相信評分員眼光，再睇返試閘走勢有前有後，可望一出即勝。「閃耀榮光」上仗際遇不好，當作出賽熱身，敗績未能盡信，始終有始數馬匹，今仗熱身完會更好。