【风花雪月/子乐】第二场第四班1650米,讲到今季赛绩,同场没一只叻得过8岁老马「好脚头」啰,佢已经取得3冠1亚,同场有几件今季赢都未赢过,同埋,呢匹马泥地坚係可靠,干泥又得,湿泥更加劲,人马亦早已夹惯,既然只马有几好赔率,梗係买注WP啦。 「安赋」转马房第一场差啲赢埋,都唔使再讲咩啦,一于追住买。「好运」情况与前驹唔差得几远,又係转仓重生啰。「长友之星」今季没用过,嚟到季尾总会有场嘅,大冷有得谂。 第八场第三班1650米,「满冠熊」之前喺泥地1650米及1800米跑入第三、四名,证明到场地性能唔差得去边,隔一场谷草又再返「泥」,仲要唔用骑开嘅郭能,转用田泰安,应该唔係咁简单。 「兴尔」谷草跑来跑去没突破,换吓场地无可厚非。「二郎」隔晚热到唔够2倍,有没咁夸呀,真係有啲过分,但又唔敢唔拖。「平海飞星」场地性能相当出色,正路之马。 |
您可能有兴趣:
|