「好友无敌」上季尾曾在同程入Q，而且早前试闸亦见

【风花雪月／子乐】第二场第五班1000米，「雷超」上季头一铺喺此程跑P，输唔到三个马位，嗰场係四班赛，对手係「最骉」同埋「威先生」，一年之后，今晚喺五班跑，对手唔同晒，仲要抽到一档之余，有雷神之助，条件四正，霍老爷好大机会靠呢匹马开斋。
「百里名驹」开锣日跑场沙田1200米，唔算放得快，拉士唔係多，不过初出可能未够态，热完一场身，呢次即刻过嚟谷草最短途，睇落有啲部署。「哈虾王旺」上季一而再喺此程输近，落到五班可以打横行。「印印脚」快马排内档，点都好跑啲。
第六场第四班1200米，「好友无敌」上季赛绩一路都几差，係到季尾最后一场四班同程，后上跑到第二，唔通状态喺嗰时先好，呢点乐仔唔多了解，不过，隔唔係好耐復出，估计唔难喼住勇态，同埋，今场有内档之利，个磅又轻，三甲分子。
「猴王驹」后上跑法，喺今场会有形势之助，可争前列。「红裤日」评分减咗几多，随时可以郁手。「龙城胜将」隔晚超过10倍，赔率比起预期冷得多，睇落唔係几似样，但係只马喺四班点都有啲分量，为求保险，点都要拖一注。