[今期鎏料/奥斯卡]上个赛日重心马「好利钱」于形势大好下搏输，係就係可惜，但眼见马匹仲有两脚，伤患马再出肯定会再搏，读者们可以继续跟进。

今期推介第十场容天鹏既「再享耆成」，五岁澳洲马上季转到容天鹏马房即刻连场交到好成绩，连场搏杀下沖到三班66分，眼见马匹遇到樽颈位，偏偏又比佢跑到场表现好既赛事。

总场次797，出闸相当爽快，约一千米霸到条栏但因此拉快左头三段步速，未段鞍人上跟住节奏打鞭，最后只係输比头马短马头。值得留意既係，首先当日全日草地赛绝大部分不利内栏前置马，而「再享耆成」係快步速同蚀场地形势下只係输少少，表现绝对係全场之中数一数二。其次，同场食尽场地优势既马，分别「将耀」、「蒙古传奇」同埋「纪利雄星」今季再出都交到绩，赛事水准绝对唔需要怀疑。

另外，赛前两个试闸不论有没戴眼罩都交出好走势，加上赛前正常操练，証明马匹已有作战状态，一出即搏。