[桐言桐语/B女]嚟到十一月中，呢啲天气就最适合烧烤，所以，数日前同一班好友一齐烧烤，由于我太肚饿嘅关係，一到达烧烤场之后就不停食嘢，一个钟内没停过，整个烧烤过程大家都好开心，每一个嘻嘻哈哈，有讲有笑，呢个组合嘅欢笑声好似好耐都没听过，对上一次都係好耐嘅事，好开心散场嘅时候，大家都依然係面带笑容，期待下一次嘅相聚。

今日先睇头场，第一场五班1200米，我就拣咗匹「皇家魅力」，呢匹马今季跑过一次做过热身，而且拎到第三，睇返佢上仗跑1000米嘅赛事係输咗比匹「随我来」同「喜奔腾」，今场赛事就少咗匹对手「随我来」，但我就唔太睇好匹「喜奔腾」，因为末段嘅时候睇得到「皇家魅力」嘅步速上得好快，而匹「喜奔腾」爆嘅威力没「皇家魅力」咁强，再者今仗赛事增程，係抽到黄金一档情况下，相信对匹「皇家魅力」都几有利，期待鞍上人今场同呢匹马赢马开斋。

到第三场四班1650我就钟意匹「梦幻战士」，呢匹马今季跑过三次，亦都赢过一次，再睇返佢近排试嗰课闸亦都係赢咗，都睇到佢后追得好靓，虽然上仗跑1800米跑得一般，但今仗缩程跑，而且强配潘顿，另外，再睇返佢跑021嗰仗，佢后追悦目，亦都睇得到係有力，今仗赛事只要鞍上人再加多啲力，係有机会同呢匹马再赢。