【圈中人语/庄美伦】奥地利籍骑师薛宝力,最近几年久唔久都会前来客串,但上季跑完国际赛再客串多一日,自此再没踏足香港,早几日同佢太太Natascha通电话,先知原来薛宝力已经挂咗靴,并于上年喺德国攞到练马师牌。
不排除派马争香港瓶
咁都唔止,上周日薛宝力于德国取得从练首场头马,早两日又派马去法国赢咗表列赛,呢头开斋转头异地再报捷,呢个开始真係好好。Natascha仲话目前廐中已有五十驹,其中有一匹係好有级数嘅长途马,如果今季进度正常,不单唔忧没得赢,而且有机会年尾嚟跑香港瓶,美伦祝佢哋心想事成,到时真係会以全新姿态重临。
虽然薛宝力于欧洲谈不上前列高手,但始终三度荣登德国冠军骑师宝座,人缘好又有名望,一声开仓,好多昔日支持者纷纷撑场;早十几年前,佢骑「星运来」轻取女皇盃,强如「鸡尾酒」、「原居民」等都要俯首称臣,今成功转行,话唔定会有更大的成就!