【风花雪月/子乐】第四场第四班1200米,「喝采」嘅廐侣「胜利宝石」赢得今季第一场头马,大家都係来自告达理马房,后驹上季搏极都唔赢,仲要一把年纪,前驹6岁咋,上季赢过一场噃,如果咁计,今次呢匹马出争赢马路程,唔买势係假。 「超能量」係正路配脚,啱啱跑得几好。「正本雄心」有田草级数,点都要畀几分薄面。「帝胜之星」缩番落短途,可能好跑过1400米。「赤水神驹」胜在可以放头走。 第五场第四班1650米,「梦想飞翔」上季得一场入到前三名,点睇都唔係叻啰,偏偏寻日赔率由头热到尾,尤其係位置飞,唔通有啲人睇得只马好劲?一于试试佢。 「川河领驹」四班一哩係有分量,拖埋没错。「麦芽糖」已跑一场,即刻返谷草,仲要用番徒弟,话唔埋以真面目示人。「紫电明珠」地慢正中下怀,呢啲老马季初出手最佳时机。「自由飞翔」四班跑中距离勉强够啦,如果唔係档位好,可能会删走。 |
您可能有兴趣:
|