【风花雪月/子乐】第六场第四班泥地1650米,「阳光大地」已由当初70分减到依家43分,但唔係没可能低处未算低,之不过,最近两场的确有走势,睇嚟泥地一哩係最啱跑路程,呢铺搵到爱将史卓丰,实会搏命。 「架势」四班此程举足轻重,但重磅令威力略减,可争而非超卓。「君悦湾」上场放得有声有色,呢类老马未必可以保持,冷就拖吓。「幸运神驹」今季跑极未散,试问点可能放手。 第九场第二班泥地1650米,「烽烟四喜」初上二班,昨午卖到4倍,老苗叫座力一向唔算好劲,但呢只马有啲唔同,皆因今季未输过,转仓变咗另一只马,继续对准强项,点会唔砌。 「都灵红星」今季四场得3亚1殿,演出係就係准,但仲有没分在手?唔多啰。「綫路光辉」忽然转跑泥地,又忽然用上田泰安,睇落有啲景轰。「人民武士」上场缩落短途爆出冷门,始终係有班底,呢次上番一哩,其实会仲好。 |
您可能有兴趣:
|