2017年 09月 24日
星期日
   | 氣 溫 : 30 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報電子雜誌

【㗎仔遊食】青森の刺身居酒屋
發佈日期 : 2017-09-11

本欄作者Kei San
刺身盛合精緻又多款式,連鯨魚肉都有
件中落大過我塊面呀
最後個三文魚+魚子飯都好好味
呢個日本傳統甜品,正
本欄作者Kei San
刺身盛合精緻又多款式,連鯨魚肉都有

日本嘅「JR Pass」真係好方便,相信鍾意去日本自由行嘅朋友一定會用。我之前都唔例外,因為老婆係香港人,又長居香港,都可以有優惠。可惜今年4月後已經無咗咁筍嘅優惠畀海外日本人囉!所以我今年年初用JR Pass去咗好多地方,尤其東北,有個Pass可指定期間站站停,任你搭,逐個站停食嘢最開心。

我由東京出發,坐4個鐘可以去到青森縣青森市,不過我選擇逐個站玩,由早餐、午餐、驛站便當、甜品等都選定目標,如去福島食圓盤餃子、仙台食牛脷、盛岡食冷麵、再去青森,目的係要試當地海鮮居酒屋。

青森蘋果出名之外,佢嘅海產,農產都好有名,一年一度嘅青森睡魔祭、巨型大燈籠就人人都有印象呢!我目標清晰,最最主要食海產,因呢度係捕魚重地,有名嘅大間拖羅就係青森,喺築地市場一條可以拍賣到數千萬日圓啊 !(二三十萬港元)此外,活魷魚刺身、貝類等都好豐富,點可以唔食呢!

我特別問當地朋友推介幾間居酒屋,唔想去一般外國遊客去嘅,佢就叫我試刺身居酒屋「七兵衛や」。話係當地人人氣Top 5云云,價錢抵又鮮度夠。呢間特色仲有,大部分人都係食套餐,有刺身全餐,或七輪燒全餐,即係以食刺身為主,或可選擇炭燒海鮮食法。全個餐有前菜、主菜、飯、甜品,真真真係分量多到我大男人都飽到暈,一定好滿足。

一開始見個刺身盛合,又鮑魚、又海膽、帆立貝等成十款,絕不欺場。最開心,老闆娘仲捧咗Maguro中落(Maguro中間魚骨位)大大件,雖然好似好Raw,但超新鮮。好豪快咁割D魚肉出嚟,用紫菜包住食,或就咁食都好香好濃味呢!最重要係新鮮架,唔係急凍。老闆娘話都未必日日有, 我真LUCKY!!

你估咁嘅質素同分量每位多少?

3,000円!!!(約200港元)

你話係咪坐車嚟食都抵啦!


食彩工房 七兵衛や
地址:青森県青森市本町5丁目511
電話:+81 17-774-2723


【Kei San 小檔案】
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。


圖說
1)刺身盛合精緻又多款式,連鯨魚肉都有,愛不愛由你!

2)你睇,件中落大過我塊面呀。差D食唔晒!

3)其實前菜都係好多小碟,最後個三文魚+魚子飯都好好味。

4)呢個日本傳統甜品,好似威化餅咁夾紅豆加雪糕,正!

您可能有興趣:






首頁