2018年 09月 23日
星期日
   | 氣 溫 : 31 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

【㗎仔遊食】福島有緣日
發佈日期 : 2018-03-07

本欄作者Kei San
福島水質甜滑,米靚,所造清酒特別Umami
今次大會請咗位書道家題上「福桃」二字
暫時未可輸入新鮮嘅福島桃,只好食住罐頭先
「天之粒」好有光澤,好甜
本欄作者Kei San
福島水質甜滑,米靚,所造清酒特別Umami

日本一年四季各地都有唔同祭典,近年香港不時都有啲日本文化祭之類,剛剛上周末就參加咗喺中環PMQ 舉行嘅「福島有縁日」。有從福島帶嚟嘅食品試食、部分加工食品亦有賣。


其實福島縣出產嘅水果日本國內好出名,桃、蘋果都又甜又多汁,佢地出嘅100%果汁好天然,果味濃,罐頭水果、果醬等各式加工食品都好受歡迎。


今次我都喺會場試咗於日本新酒品評會獲得最多金奬嘅福島清酒,仲有用桃作原料嘅手工啤添。


現場個手工藝,福島赤牛上色體驗,大人小朋友都玩得好開心,大排長龍。我今次就同星級大廚徐蒝喺台上做Live Kitchen,用福島食材煮兩味。


除咗美食之外,今次仲有個重要信息,自東北関東大地震後,香港人對福島食品安全性嘅信心大大降低,受此風評誤解,不知不覺已7年。依家嘅福島係點,好多人都唔知唔明,所以想喺呢個機會俾香港朋友Update 下。


依家福島9成地區已恢復正常生活環境,當然,除污等工程仍然進行中,食品檢測亦一直繼續,亦因為福島政府嘅努力,先可以回復得咁快。


今次好開心,有政府嘅專家講解輻射水平,亦有當地農民分享佢地嘅努力成果。事實上呢幾年香港去福島旅遊嘅人亦漸增長,但仍然好多人唔理解,或是記憶只停留七年前新聞像,真係好希望大家先去了解,睇下,唔好人云亦云誤傳消息呢!



【Kei San 小檔案】
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。



圖說
1)福島水質又甜又滑,米又靚,造成嘅清酒特別Umami!


2)今次大會請咗位書道家題上「福桃」二字,希望將満載幸福嘅福桃帶俾香港朋友。


3)香港暫時未可輸入新鮮嘅福島桃,只好食住罐頭先。


45)呢隻叫「天之粒」嘅米,我上次去都有買,好有光澤,好甜,個人就好鍾意。

您可能有興趣:


首頁