2024年 03月 29日
星期五
   | 氣 溫 : 25 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

【㗎仔遊食】新潟酒の陣2018
發佈日期 : 2018-03-21

本欄作者Kei san
咁熱鬧嘅日本酒祭,酒多到飲唔晒
新潟縣盛事當然有篠田新潟市長主持開幕
十多個酒藏各自出面膜,係最佳宣傳手信
去到一定先揀出名又好飲嘅酒啦
天氣凍,食住関東煮飲清酒最正
本欄作者Kei san
咁熱鬧嘅日本酒祭,酒多到飲唔晒

好開心今年又可以參加日本新潟縣當地於早前3月9日及10日一連兩日的「新潟酒の陣」,一共有90個酒蔵齊集,唔單止係新潟縣盛事,仲吸引咗日本唔同縣,以及世界各地鍾意清酒嘅Fans,我同好幾位香港朋友去咗呢!據說今次兩日入場人數超過14萬人,你見張相,真係人頭密密的,呢度應該只show咗1/3人左右,仲有場外排隊嘅,美食場或紀念品區嘅,真係好熱鬧呀!


新潟水形好長,由北至南,不單米靚,水亦好,造出嘅酒都好高質素,加上當地水產及農作物都豐富,要搵送酒嘅料理真係好多呢!所以場內都將酒藏按地區劃分,等大家試到各地特色。


今次覺得參加者都好年輕,可能因為不但入場可任飲各酒藏嘅酒,而且仲有好多當地食店擺檔,燒蠔最人氣,仲有関東煮、燒鳥、醬汁炸豬扒丼、村上牛、海膽、帆立貝料理等等等。飲完食完仲可以買手信,清酒唔係男人專利,我見到有好多個酒藏出埋酒糟面膜,又有特色又可美容,送畀女性朋友最開心呀!


東京坐新幹線去新潟只係兩個鍾,趁去酒陣亦可去觀光,參觀酒藏,或去溫泉,留三幾天行程好充實。明年酒陣11月初舉行,大家要計劃定呀!



【Kei San】 小檔案
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。




您可能有興趣:


首頁