2018年 12月 16日
星期日
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

[㗎仔遊食]岩手縣美食祭
發佈日期 : 2018-11-15

本欄作者Kei san
呢個刺身係日本東北特有的海菠蘿
秋冬是蠔、秋刀魚、帆立貝美味季節
岩手的白金豚脂肪爽而不膩
用岩手牛他他做壽司
燈上照出發光一樣是岩手縣蜜心蘋果
本欄作者Kei san
呢個刺身係日本東北特有的海菠蘿

可能香港人對岩手縣比較陌生,其實係位於日本東北,面積係繼北海道第二大縣,有廣闊嘅綠林,面向太平洋,海岸線長。冬天可以滑雪、有好多溫泉,夏天可行山玩樂、春天賞櫻、秋天紅葉都好靚。佢地氣候好適合種米,所以當然清酒都有番咁上下水準,有好多著名酒藏。因為有廣大嘅自然環境,所以蔬菜、果物都好豐富,例如輸出海外數量較多有蘋果,大家比較多見。其他畜牧都好發達,有岩手牛、白金豚、唔同雞種等。


由於面向太平洋,漁獲十分豐富,鮑魚、帆立貝、海膽等高級海產都有半養殖場,養殖技術及出產品質都好高。


以往香港人喜愛嘅乾鮑同海參,好大部分都係由岩手輸入的。


今次好難得岩手縣在香港7間餐廳舉行兩星期美食祭,採用岩手食材設計出特色日本菜,有岩手牛、白金豚、帆立貝、三文魚子、海膽、魷魚、米以及好特別嘅紅心、蜜心蘋果等;亦引入岩手縣近來人氣急升嘅赤武酒造,菜式好豐富,一定要試試。


岩手縣美食祭
日期:即日至11月25日
詳情:https://www.facebook.com/IwateHKFair/


[Kei San 小檔案]
日本北海道出生。居港超過三十年,能操流利廣東話,年輕時出國留學,畢業後走訪海外多國工作的關係,練就出獨立自「煮」的好手藝,對食材的選擇也有心得,因此被傳媒發掘,活躍於各大報章雜誌的烹飪示範及美食專題,更有幸參與不少電視節目演出及主持,是料理達人及美食家,日本飲食文化的傳道者。



圖說
1)呢個刺身係日本東北特有海菠蘿,味道好濃,今次岩手縣美食祭期間可以試到。


2)岩手縣海產出名,秋冬係蠔、秋刀魚、帆立貝美味季節,刺身、濱燒等都好味。


3)岩手白金豚脂肪爽而不膩,今次做味噌火鍋,更加冶味。


4)用岩手牛他他做壽司,最食到牛鮮嫩味道。


5)呢個燈上照出發光一樣係岩手縣蜜心蘋果,又甜又爽,大廚會用做豚肉串燒呢。

您可能有興趣:


首頁