《九龍城寨之圍城》氣勢如虹，郭富城將首度加盟謝票

【本報記者報道】電影《九龍城寨之圍城》上映剛逾一個月，除已宣布票房衝破9,000萬，更連續成為票房單日冠軍，即期間所有新上畫電影統統都唔係佢對手，氣勢如虹，繼續向《毒舌大狀》的1億1500萬紀錄進發，勢登上香港影史票房冠軍。

本周六（6月8日）臨近父親節，電影公司專們安排戲中兩大惡人王九（伍允龍飾）及九索（朱栢康飾）參與「改邪歸正」謝票場，跟觀眾見面。當日除了安排戲中客串演出，「殺人王陳占」郭富城首度參與為《城寨》謝票外，更找來戲中的太太蔡思韵，與阿仔「陳洛軍」林峯，嚟個「陳占一家團聚場」。

由於戲中陳占死得早，根本冇得同洛軍聚首，亦由於片長所限，跟太太都冇同場戲份，所以今次三人在戲外聚首可謂破天荒，為大家締造一個連睇戲都睇不到的溫馨場面。