2020年 08月 15日
星期六
   | 氣 溫 : 29 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

歡樂之光有料到
發佈日期 : 2019-12-08


[桐言桐語/B女]喺啱啱過去嘅谷草賽馬日,小妹就入咗馬場,亦好幸運地咁拉咗頭馬,先喺到恭喜好友贏咗浪琴表國際騎師錦標賽。不知不覺間已經嚟到12月嘅第三個賽馬日,唔知大家有冇贏到盤滿缽滿呢?話說小妹近日開始睇返書,好記得細個嗰陣睇嘅都係散文,雖然近排睇嘅依然都係散文,但心態唔同咗,所以,幾認同古時一句說話,書中自有黃金屋,書中自有顏如玉,呢句說話係出自一位皇帝,北宋第三位皇帝宋真宗趙恆,睇書的確可以獲益良多,同時又可以自我增值。


今日先睇第五場短途國際一級賽1200米,我就比較鍾意「旺蝦王」,睇返佢上仗賽事輸咗比「忠心勇士」,但我始終認為「忠心勇士」唔夠成熟,再者,睇返「旺蝦王」往績唔亦唔差,無論跑田草或谷草都贏得好靚,今仗騎師方面由田泰安策畸,而佢亦喺啱啱過去嘅賽日首度封王,仲要呢個組合亦曾經贏馬,今仗抽到靚檔再次合作有機會贏馬。


到第八場國際一級賽2000米,我就揀咗匹「歡樂之光」做心水,有知情人士表示呢匹馬贏馬機會率高,並邀請小妹今日入場,咁睇返呢匹馬今季出過兩次,成績麻麻,但再睇往績嘅贏馬紀錄都喺呢個路程贏過,上兩次出賽做過熱身,今仗強配潘頓期待打開勝利之門。

您可能有興趣:


首頁