[桐言桐语/B女]喺啱啱过去嘅谷草赛马日，小妹就入咗马场，亦好幸运地咁拉咗头马，先喺到恭喜好友赢咗浪琴表国际骑师锦标赛。不知不觉间已经嚟到12月嘅第三个赛马日，唔知大家有没赢到盘满钵满呢？话说小妹近日开始睇返书，好记得细个嗰阵睇嘅都係散文，虽然近排睇嘅依然都係散文，但心态唔同咗，所以，几认同古时一句说话，书中自有黄金屋，书中自有颜如玉，呢句说话係出自一位皇帝，北宋第三位皇帝宋真宗赵恆，睇书的确可以获益良多，同时又可以自我增值。

今日先睇第五场短途国际一级赛1200米，我就比较钟意「旺虾王」，睇返佢上仗赛事输咗比「忠心勇士」，但我始终认为「忠心勇士」唔够成熟，再者，睇返「旺虾王」往绩唔亦唔差，无论跑田草或谷草都赢得好靓，今仗骑师方面由田泰安策畸，而佢亦喺啱啱过去嘅赛日首度封王，仲要呢个组合亦曾经赢马，今仗抽到靓档再次合作有机会赢马。

到第八场国际一级赛2000米，我就拣咗匹「欢乐之光」做心水，有知情人士表示呢匹马赢马机会率高，并邀请小妹今日入场，咁睇返呢匹马今季出过两次，成绩麻麻，但再睇往绩嘅赢马纪录都喺呢个路程赢过，上两次出赛做过热身，今仗强配潘顿期待打开胜利之门。