李靖筠填词爆老细是人类最大公敌。

【本报记者报道】女歌手李靖筠（Gladys）新歌《苛刻》昨日（1日）上架，这次Gladys亦参与作曲部份和rap词部份，这更是她首次填词的作品。出道以来，Gladys参与过不少自己作品的创作，大部份以作曲为主，这次她初试啼声，首次填词，而且更是英文rap词，对她来说绝对是挑战。

Gladys说：「本身对文字比较弱，所以好少写字，唔好话英文，其实中文英文，所有文我都係第一次填。我觉得写rap係好玩啲，因为其实食拍子，唔驶食音，当然英文亦都再容易啲。自己都听好多呢类型嘅歌，譬如有啲我好钟意嘅rapper，我会觉得佢啲词写得好好，会听超级多攞灵感，或者睇吓人哋点样写。」

不过原来一开始Gladys并没有打算自己填词，「但係谂极都谂唔到搵边个写，谂吓谂吓已经嚟到录音前两日，哈哈，大镬！咁唔係我自己写都唔得啦，我谂最大嘅困难就係勇气。」

Gladys录音时亦花上不少时间，因为这次歌曲与她以往的曲风及唱腔均大不同，至于题材方面则来自Gladys日常生活的所见所闻，而职场上遇到的种种，更是大部份打工仔茶余饭后的话题，她写完demo后表示：「觉得首歌係比较衬一啲愤怒啲嘅词，我就喺度谂，其实平时人类最大嘅公敌就係你老细，永远出街食饭隔离枱一定係投诉啲老细，即係你净係钟意你份人工，唔钟意你份工。我就觉得，好似大家共同嘅愤怒对象係你公司时，不如写一啲关于咁样嘅歌。」