【本報記者報道】英皇歌手張敬軒（軒仔）去年尾因確診新冠病毒緣故，餘下5場的《REVISIT張敬軒演唱會》被迫腰斬，延至今年6月13日至17日補辦，同時加開了6場，合共舉行11場。而前晚（5日）即在會展舉行首場加場演出，英皇集團主席楊受成及太太陸小曼、蔡一智及太太周雪芳、梁祖堯、梁文禮及唐劍康（當奴）都有出席。
這次加場及補場演出，軒仔與團隊調整了歌單，除了轉換部分曲目，更加添了新衫，製作依舊一絲不苟。演唱會甫開始，軒仔便與16位舞蹈員載歌載舞演繹了《Deadline》、《Sweet Escape》及《Stop The Time》3首快歌，眾人走到T台的最前方，與台下觀眾作近距離接觸時，即炒熱了現場氣氛，辣㷫全場。
「有BB」體驗 瞓足兩個月
勁歌熱舞過後，軒仔先跟觀眾道歉，並說：「今（前）晚我有種精神分裂嘅感覺，唔知係12月定6月，睇返個舞台、Setup，好似發咗場夢。喺舊年12月26日，我第一次體驗有BB（確診）感覺，驗到兩條線出嚟，當然有BB一樣有人歡喜有人愁，而我就感到失落同擔心，好擔心觀眾失望，因為好多人睇完騷就移民、讀書，亦有人特登飛返嚟結果白行一趟，如受到影響，對唔住，令大家添麻煩。」
道歉過後，軒仔繼續道出確診後的心情，並笑說：「因為呢個病，我瞓咗兩個月，我屋企有位長輩，佢喺醫生度攞咗啲專開俾啲中老年人中咗Covid嘅特效藥，佢話：『我今晚漏夜攞俾你，你快啲食咗佢先！呢隻藥係專為中老年人而設嘅！我哋老人家食咗都好安全㗎。』諗住食完可以冇事新年開返騷，但一啲用都冇，我都放心啲，因為我唔屬於中老年人！」引得全場大笑。
他續說：「後來經介紹搵到一個8、90歲嘅中醫，令我喺倫敦開騷前好返。而家我好珍惜每次可以大聲開騷嘅機會。」分享完後，軒仔便為大家送上連串驚喜，例如演繹了新加入歌單的〈單打獨鬥〉、〈悲劇人物〉；滲入了中樂元素的〈風起了〉、〈夜宴〉及〈迷失表參道〉；以鋼琴自彈自唱的〈靈魂相認〉及〈遙吻〉等，誠意十足。
倫敦最大收穫 有新歌出
到了Encore的部分，軒仔談及今年3月在英國舉行倫敦演唱會期間製作了最新單曲《隱形遊樂場》，他回憶道：「倫敦最大收穫係做咗呢首歌，拍MV時見到一班香港朋友，佢哋好樂觀，都希望將來有全新生活環境。希望將呢首歌都送俾大家，因為都有歌迷睇完呢個騷會去第二度定居。」
|
搜尋新聞
