【本報記者報道】歌手謝霆鋒前晚（21日）現身於旺角麥花臣舉行的《起勢夾BAND COMBAT總決賽》，身為本地樂隊龍頭大佬之一的Supper Moment主音 Sunny、鼓手阿達亦有到場支持。
霆鋒看騷前表示非常期待看這次比賽，因為他覺得香港需要有人支持樂隊發展，覺得今次這個騷非常有誠意及有心，他說：「Hip hop威咗咁耐，係時侯要支持下Rock友。」
問到他會不會心癢癢上舞台彈結他或開個唱？霆鋒笑答：「唔開住啦！哈哈，專心拍戲呀，手上仍有幾部戲未完成，現在同華哥（劉德華）那部都要拍到1月中啦。( 叫埋馮德倫一齊出來夾band？)我哋已經係叔父輩，有機會睇時間啦。」
昨日阿SA生日，問霆鋒知不知？霆鋒話：「吓？係咩？生日快樂呀！我從來都唔記生日嘅，哈哈。」問到他會不會有時間放聖誕假？可以陪下女友？霆鋒就笑道：「專心拍戲先，現在我邊度都去唔到。」然後給了模稜兩可的笑容作結。
至於大會表演嘉賓Yusobeit更特別重新改篇了霆鋒的《玉蝴蝶》一曲獻唱，台下 的霆鋒聽到自己首本名曲響起也頗意外，不單跟全場一起站立支持，聽完後更拍晒手掌。
家樂預告為Twins個唱有準備
此外Gin Lee、陳家樂、鄧小巧和泳兒等均有到場支持，陳家樂表示，他一直也有一個樂隊夢，當知道有這比賽時，主動問公司想參加。
家樂說：「夾band是我兒時夢想呀，十幾年無玩，但公司話我可以參加，我咪即搵以前夾Band的朋友，希望重出江湖，可惜朋友唔理我，唯有臨時拉夫組了一隊新Band，我是結他手，不是主音。可惜最後第二回合結束後就已經輸了，未能晉級。我記得第二回合要上台表演，當日8號風球，以為會取消但如常舉行，結果非常緊張又好驚，最後輸咗。而大家事後給我的評語是好似一碌木，不過我團火未熄，會繼續練。(會否在Twins演唱會自薦上台彈結他？)不會，但有其他準備，大家到時留意啦。」
|
搜尋新聞
