2024年 04月 25日
星期四
   | 氣 溫 : 26 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

徐榮與馬國明相識廿載 訓練班結緣 常約踢波
發佈日期 : 2024-01-15

徐榮(左起)、洪永城、高海寧及馬國明的友情不俗。
徐榮和馬國明本身已是老友鬼鬼。
徐榮、林峯、馬國明喺訓練班已經認識。
徐榮(左起)、洪永城、高海寧及馬國明的友情不俗。
徐榮和馬國明本身已是老友鬼鬼。

【本報記者報道】無綫新劇《飛常日誌》今晚(15日)起播映,在劇中隸屬機管局的中央控制中心值班經理楊尚偉(馬國明飾)、機場客運服務經理呂芷珊(高海寧高Ling飾)、機場保安經理(行動)陳杰(洪永城飾)和機場飛行區運作經理李勝祥(徐榮飾),四人在機場中合作無間默契十足建立出深厚Buddy情,現實中,他們同樣「Friend過打Band」!

當中「百搭王」徐榮和馬國明、洪永城最為老友,徐榮受訪時透露,與馬國明在讀訓練班時已認識,相識逾20載,他笑說:「我哋大家都鍾意踢波,成日約埋一齊踢波,反而合作比較少,對上一次已經係《紫禁驚雷》,我哋係做兩兄弟,都差唔多10幾年冇真正合作!」

與洪永城《大帥哥》後再合作

至於洪永城,徐榮透露兩人合作過《大帥哥》,同時亦是跑步友,講到今次與兩位老友合作,徐榮說:「今次合作非常開心,大家都係比較有經驗嘅演員,都入咗行一段時間,所以好快磨合到,一埋位就好有默契!」

講到4人劇中友情十分突出,馬國明受訪時笑言:「本身同高Ling都好熟,之前都合作拍過幾套劇,而她同我老婆(湯洛雯)又係好Friend。徐榮就係我廿幾年波友,我同佢私底下係無所不談嘅好兄弟,洪永城雖然唔係波友,但佢性格本身好多嘢講,好識搞氣氛,佢呢種性格好易同佢做到朋友,雖然唔係識咗好耐,但有一種好好朋友嘅感覺。」

馬明續說,拍攝氣氛十分愉快:「劇中我哋4個好多時都會有合作,所以建立咗一段友誼出嚟,咁啱我哋現實又咁老友,好易轉到真感情去劇入面,希望觀眾都鍾意我哋4個Buddy啦!」

馬明與在劇中飾演其前妻的蔡思貝也甚有淵源,2人於2017年的《心理追兇Mind Hunter》首次合作,今次則是首度演一對。思貝與馬明太太湯洛雯亦份屬好友,早前馬明與靚湯在泰國蘇梅島結婚,思貝更孖住高Ling飛到當地為靚湯做姊妹。

您可能有興趣:

1
《九龍城寨之圍城》率先場 好友重聚 吳卓羲想3人重拍《大唐雙龍傳》 楊茜堯:看緣份林峯拒絕

2
69歲張雷相隔17年亮相TVB劇集 半裸舉啞鈴騷爆肌 寶刀未老

3
劉嘉玲高EQ 搵真龍蝦自嘲抽水  再扮老公梁朝偉 拒認是偉大演員

4
劉德華睽違10年重返內地舞台 京滬穗等8大城市開唱

5
許美靜南京演唱會 觀眾喊回水 經典歌全是代唱 官方介入調查

6
《逆天奇案2》幕後趣聞 陳展鵬爆林夏薇談情腳震 梁小冰激減16磅化老妝登場

7
楊茜堯 羅子溢為愛女4歲慶生 甜蜜祝福:謝謝你做我們的女兒

8
曾志偉讚慈善騷感動 盼《中音2》加場衝出香港

9
「御用丫鬟」陳婉婷疑似結婚

10
電影《九龍城寨之圍城》 3億元打造城寨80年代景象 古天樂︰似媽媽的餸菜味道

11
石修米雪大馬「共諧連理」: 我哋夫妻感情已經培養多年

12
馮盈盈喊戲多 急搵泰臣「補鐘」

13
韓男團AB6IX事隔5年再來港開騷 成員朴佑鎭等盼與香港男團交流

14
炎明熹自評演唱會值65分 任賢齊激讚是未來天后

15
黃子華爆導演想原班人馬拍新題材


首頁