【本报记者报道】刘青云、吴镇宇及苗侨伟等昨天到尖沙嘴出席主演电影《谈判专家》明星首映场，两人自2005年《喜马拉亚星》后，相隔19年再合作。两人在放映前说：「唔係拍佢，就拍另一啲人，点知要等19年咁耐」，再敍首感觉一齐如旧。
问及对方参演是否成为接拍关键，青云笑说：「唔係佢拍我都会拍！（镇宇：要开饭嘛！）你估好多嘢捞呀？」

青云透露，《谈判专家》作为双雄电影，两人未有机会选自己的角色：「我就有！佢睇怕没喇！其实没，一早就讲咗係咁。」吴镇宇笑说：「我谂住做人质㗎！坐喺到就收钱喇！」

镇宇仔想做导演 父有微言

两位影帝合作，要承接《九龙城寨之围城》声势，青云又讲笑：「希望唔好因为我哋而拉低返。」镇宇对谢票亦有意见：「谢票係去多谢观众，要回馈fans嘅咩？基本上呢个方法係错，唱埋歌要畀钱，算係商演嚟喇。古天乐谢票都唱埋歌咩？唔怪之得咁好票房！」

他们透露今次导演邱礼涛用新方式拍谈判过程：「旧方法净係拍我一个，再拍佢一个，然后剪埋一齐，今次就分两个厂拍同一场戏，电话真係直接打通，可以有感觉知道佢仲喺电话隔离，多啲交流。」镇宇说再合作唔够喉，可以等下次，青云则指够晒数好满意。

另外，镇宇早前在嘟姐郑裕玲节目中透露儿子Feynman想做导演，他昨天似乎仍有微言：「个个细个都乱噏，都有自己谂法。我叫佢唔好读导演，想做导演唔一定要读导演，因为导演成日失业。如果你有第二啲专科，你可以做吓装修、美术设计，人应该有另一种学识，导演唔需要去读，反而你有第二啲专业，对做导演都可以有帮助，我觉得斋读导演好奇怪。」青云就指Feynman与镇宇不同，是带有另一种幽默感。