【本报记者报道】以身分被盗窃为题材的奇情高智犯罪片《查无此人》昨天在马来西亚上映，主创团队日前率领男女主角邹文正、余凯祺（Kaylee）及陈善渝（Odi）前往吉隆坡出席发布会及首映，众人于当地戏院出席首映礼时，现场观众十分热情，欢唿不绝更不时大叫邹文正「靓仔」，又围拢演员合照签名；而Odi更遇上男忠粉，对方接机再跟到首映，令她大感惊喜。

邹文正首赴大马宣传心情兴奋，他说：「今次马来西亚嘅行程可以代表香港电影嘅一小队，好开心自己有份做嘅电影可以行出香港到马来西亚同大家见面，对于自己嚟讲係一个好大突破。其次係因为搞咗个首映，觉得呢边嘅观众朋友相当之热情，佢哋对于港产片好支持，会上网check好多资料，现场好有气氛，希望佢哋留意到其实我哋香港电影有唔同嘅题材，虽然可能唔係好大嘅制作，但係都会係一个好用心嘅制作。」

是次大马之旅三日两夜行程紧密，Odi最深刻係感受当地观众的热情，以及粉丝在机场等候落机上机，「真係好多谢佢哋咁热情，令到我哋更加有信心，几肯定我哋今次嘅到访令大家关係拉近咗同更认识《查无此人》。」

Odi本来打算抽空逛商场，可惜行程极密没时间，而且太攰无精力，但当地发行公司的工作人员很细心，请他们吃特色食品，上机前又特别带众人去食榴槤。讲到食凯祺就最开心，即刻精神晒，她笑说：「完咗发布会同首映后可以开始食嘢放肆，我一下就食咗五嚿榴槤，都唔同味，食落去超级好味，真係好兴奋刺激。」