【本報記者報道】方力申及黃翠如主持的無綫節目《拍檔廚房》昨天（5月21日）請來梁競徽與陳煒任嘉賓錄影。方力申近日再成為周刊封面，被指曾秘密追求陳曉華，遭女友葉萱（Maple）嫌花心。小方因此大感不滿，說會被女友「照肺」。
小方否認有追求過陳曉華，他說：「以前單身，成日畀人講冇所謂，但依家唔係，另一半係圈外人，不止會畀女友『照肺』，亦可能喺女友家人心中形象受損，我都幾緊張，仲要係2年前新聞攞番來講。」
小方一度打算公開與女友合照
小方坦承：「可能都關我事，之前做宣傳講過多年的新聞及同緋聞，令到我個底好花，好難得到女友信任，畀人感覺係我自認個底好花，因而被乘虛而入，送個封面畀我，呢啲封面我開始都驚。」
小方說，已立即向女友自爆，女友也不信報道，反而嫌自己張相好醜，他曾心想可能從來沒有和女友同框相，又沒有講幾時結婚，令人覺得他們感情有問題，一度萌生公開合照念頭。不過，因兩人向來低調，從不放閃而放棄。
翠如爆細妹為方力申胞弟打工
方力申又說，本身與翠如認識很久，但合作就是第一次。翠如則說：「其實我同佢都幾有淵源，因為我有兩個屋企人都同佢屋企人打工。其中我最細嘅妹係喺佢胞細佬個畫廊做正式員工，細妹好熱愛自由，第一次聽到佢返全職，真係好感動，感謝小方一家。另一個妹就去過小方屋企做廚師，幫佢哋煮嘢食。」
梁競徽早前在《獎門人感謝祭終極篇》玩遊戲時，被指玩得投入而觸及郭珮文胸部，他說，因此事要找經理人心理輔導。「我覺得都幾犀利，正常速度睇，根本睇唔到啲咩，我同對方都feel唔到啲咩，問我係咪掂到呢？應該係掂到，但並唔係如標題所指，當然傳出呢件事，自己都緊張，其實係好嚴重指控，非禮係刑事罪名，子女同學父母只睇標題，如相信會令到我困擾，郭珮文好好，佢第一時間主動解釋，好感激佢。」 |
您可能有興趣:
|
搜尋新聞
