任達華(華哥)大前日在中山出席活動時遇襲受傷,要在當地醫院接受手術,即晩返香港就醫,太太琦琦每日都有到醫院探望。昨午琦琦離開醫院時指華哥情況好轉,已轉到普通病房留醫:「華哥今朝由ICU轉去普通病房,佢恢復狀態好好,中午食咗啲嘢,華哥話多謝大家祝福。佢叫大家唔好再等,天氣太熱,好辛苦。大家都要休息,我都要返去休息一下。」她又表示多謝經理人公司英皇及醫護人員的幫忙。
手指康復很理想
問到華哥何時出院?琦琦說:「佢都想盡快,但要睇醫生決定。前日大家都瞓得唔好,希望華哥早日復服。」她又指華哥完成手術,一切都順利,手指康復情況理想。琦琦說:「最緊要華哥早日返屋企我就安心,醫生話等一個可以嘅情況就可以返屋企,佢都有同朋友報平安。」 內地主辦單位當日稱已第一時間制止,問到琦琦會否追究?她說:「暫時唔會理太多資訊,呢啲畀經理人公司處理,最主要係華哥康復。」
微博貼相報平安
另外,華哥昨日於自己的微博中出post報平安,他貼出一隻熊公仔坐在花束上,據知公仔是由愛女任晴佳所送,華哥並留言:「平安,謝謝大家。」又tag了太太琦琦,不少網民都留言祝他早日康復。 |