香港江湖情仇電影《紥職3》昨天在荃灣舉行首映禮。

黃宗澤近日頻曝光。

黃宗澤、周勵淇宣傳電影《紥職3》。

張繼聰與黃宗澤笑談吳卓羲。

香港江湖情仇電影《紥職3》昨天在荃灣舉行首映禮。

黃宗澤近日頻曝光。

【本報記者報道】香港江湖情仇電影《紥職3》昨天（8月19日）在荃灣舉行首映禮，黃宗澤（Bosco）、張繼聰、周勵淇、陶大宇、林千渟等眾主演出席。

黃宗澤與張繼聰作為《紥職3》上集原班人馬，主動分享全新故事的角色，Bosco表示：「上次我冇幾耐就做咗大佬啦，今次加入咗大宇哥、Mark哥（鄭浩南），咁我哋就變咗冇咁大佬嘅大佬喇！」張繼聰附和說：「我哋今次好開心可以做返????仔，因為喺片場上慢慢都開始新陳代謝、畀人叫做前輩、咩哥咩哥喇，今次有兩位前輩喺到，我哋可以做返????仔，呢種感覺開心啲！」

黄宗澤首次與鄭浩南（Mark哥）合作，笑言對方有童趣一面：「Mark哥你見佢外型好猛，但同佢傾計好可愛！」張繼聰更大爆鄭浩南收工時的有型打扮：「我哋拍嗰時係夏天，佢永遠收工嗰條熱褲真係正！係條西褲配對Loafer鞋，你真係覺得出面有架帆船等緊佢，佢準備出海啦！」

張繼聰穿超短熱褲 會令人難受

問阿聰能否駕馭該身造型？張繼聰淡然笑說：「冇話carry唔到，係人哋承唔承受到咋嘛！我望阿Mark哥覺得享受，我係仔都覺得正，我著嘅人哋可能會去到難受囉！」

近日菊梓喬與保錡爆出「保菊戀」，作為女方緋聞前度吳卓羲的好友的Bosco回應兄弟狀況時，他表現得相當出人意表地說：「有一齊過咩？冇嘢啊，我同佢噚日先一齊食過飯！」Bosco更隨即扮與吳卓羲不熟悉：「邊個阿Ron呀？我唔識佢呀，我同佢唔熟㗎！」張繼聰亦插口幽默說：「吳卓羲聽過囉，但係唔熟㗎！聽過幾Nice嘅，但唔熟囉！」

剛剛榮升爸爸的陳家樂昨天未有一同亮相首映，黃宗澤分享到家樂的近況：「我會見到佢，佢而家為咗賺奶粉錢，喺馬來西亞拍緊嘢，下個禮拜係（《紥職3》）馬來西亞嘅首映，佢喺嗰邊等緊我，我去同佢會合。」張繼聰說，謝票活動上暫時由二人頂上：「我哋幫佢頂住先啦，佢呢排要忙工作，謝票我諗佢都會嘅，我更加想佢有時間陪下小朋友。因為佢囡囡一出世，佢就去咗馬來西亞拍戲，謝票我哋頂住、佢識做就將啲錢過返入我哋戶口啦！」

電影延續《紥職》系列風格，以全新故事出發，講述黃宗澤、張繼聰及陳家樂飾演的三兄弟引發一連串社內風波，更影響到社團上一代花錦（鄭浩南　飾）與阿群（陶大宇　飾）兩位大哥之間的權力鬥爭。


周勵淇自嘲年紀大 陶大宇自稱新人

至於周勵淇戲中將會同Bosco有感情瓜葛，自覺最大作用就係中和返「男性荷爾蒙」過盛。新加入的陶大宇就叫自己做「新人」。兩位不約而同都是處女座8月底生日，61歲的大宇分享生日願望。