2024年 03月 29日
星期五
   | 氣 溫 : 29 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

孖小春雞執定「走佬袋」 黎諾懿將再為人父
發佈日期 : 2021-12-07

黎諾懿與太太準備迎接小生命。
李潔瑩及向4歲兒子「小春雞」灌輸做哥哥的訊息。
黎諾懿與太太準備迎接小生命。
李潔瑩及向4歲兒子「小春雞」灌輸做哥哥的訊息。

【本報記者報道】本月將再為人父的「暖男爸爸」黎諾懿,近日積極為迎接家庭新成員作準備,除了忙着為即將出世的BB添置用品外,又忙着照顧太太李潔瑩(Nicole)及向4歲兒子「小春雞」黎峰睿灌輸做哥哥的訊息。日前,黎諾懿就跟「小春雞」為腹大便便的李潔瑩準備入醫院時的「走佬袋」,包括嬰兒防敏濕紙巾、嬰兒潤膚露、包巾、嬰兒潔膚浴露、授乳茶、保暖杯、天然活泉水等等,盡顯暖男丈夫的體貼。

黎諾懿與太太Nicole自「小春雞」出世後,一直共識要再度造人,雖然黎諾懿一直希望第二胎生女,可以湊成「好」字,但第二胎仍是生仔,如今湊成「孖」字也不錯,他說:「即將再做爸爸,心情係開心嘅,因為無論工作幾攰都好,只要返屋企見到佢哋就會咩都忘記晒,咩都值得。」

兩個夠數 拒絕追女

不過,黎諾懿斬釘截鐵表示「兩個夠晒數」,他謂:「我同太太認為兩個小朋友就夠,再多個小朋友,會分唔到身,最緊要佢哋兩個小朋友相親相愛,我湊峰峰(小春雞)時,太太湊細佬,咁樣時間會分配得好啲,雖然今次唔係生女,但都唔會再追,而家已經好完美。」

回顧之前跟太太入產房生「小春雞」時,黎諾懿自嘲當時是新手爸爸,表現十分狼狽,他說:「上次始終第一次做爸爸,好多嘢準備得唔夠好,例如潤膚露、冇刺激性嘅沐浴露及濕紙巾,都無準備,搞到峰峰(小春雞)有少少皮膚敏感,亦有少少爛Pat Pat,而且峰峰嗰時亦有少少尿道炎,我都唔識得處理,相信今次我會識得處理,所以今次冇咁大壓力同咁緊張,好期待小生命嘅出現。」

黎諾懿續說,上次陪太太入院生「小春雞」,一點也沒有享受過過程,印象只記得忙到一頭煙,他笑言今次會好好享受,他說:「好多人問我今次會唔會剪臍帶,我嘅答案係『唔會』,我雖然鍾意煮嘢食,但係我都好怕見血淋淋嘅嘢。」

您可能有興趣:

1
親攜《贖夢》衝出香港 張家輝:擔任導演壓力大 開心新作未上映已獲認可

2
陳法拉產後首現身明艷照人 首映禮後 急回紐約照顧BB

3
67歲張國強體力皮膚弗到漏油 公開四大逆齡秘訣

4
環球唱片大裁員 宣傳部全部即時離職

5
CHILL CLUB年度推介23/24 Gin Lee泳兒恨攞獎 盧瀚霆無信心「冧莊」

6
拍攝《警聲百二秒II》 張穎康遭真飛虎隊員制服

7
張敬軒飲醉怕出醜 指醉酒後會多嘢講

8
《中年好聲音2登峯之戰》 收視最高26.6點 吸173萬觀眾

9
忠實hellosss 羅淑佩親揭鍾情陳卓賢之謎 推介《地球上的最後一朵花》

10
泳兒街頭派利市宣傳新歌 笑網民現實全都是貪錢鬼

11
林秀怡演單親媽 演技大躍進 拍攝時停機仍喊 變生人勿近

12
秦煌稱不夠血 致腳無力跌倒 稱仔女有聯絡 未答有否探望

13
首爆賭王遺產分配 何超儀較:我會少一點

14
76歲秦煌跌倒送院 林偉呼籲其子女探望

15
唐詩詠首拍旅遊節目 發掘英國真實的一面


首頁