香港追兇心理電影《超意神探》由張家輝、周勵淇、唐

張家輝狂讚太太關詠荷幾時都咁靚。

關詠荷近日播出的廣告，美麗如昔，似凍齡一樣。

香港追兇心理電影《超意神探》由張家輝、周勵淇、唐

張家輝狂讚太太關詠荷幾時都咁靚。

【本報記者報道】香港追兇心理電影《超意神探》由張家輝、周勵淇、譚耀文、唐文龍主演，前天（4月23日）舉行首映禮。家輝在戲中扮演患有超憶症的警探，他說，工作時背兩頁紙對白都無問題，但工作以外的生活事，就好容易忘記。

電影講述張家輝飾演擁有超憶症的警探運用過人記憶，在潛意識中化身不同人物代入兇手心理以抽出真兇。

背對白好記性 生活事常忘記

家輝受訪時說在工作方面都幾好，以前拍TVB的古裝劇，有一、兩頁對白都無問題，但因為日夜拍攝，有些場口三頁紙對白，沒時間記，唯有打天才波。他解釋：「啲人會覺得點解主角都記唔到，但我哋連瞓覺時間都冇，當然呢個唔係藉口。」不過，工作以外的生活事，就好容易忘記。是否交由太太關詠荷處理處理？他笑說：「又唔係，佢會問返我，總之大家記到就記啦，記唔到都冇辦法。」

談起太太關詠荷近日拍的廣告播出後被讚凍齡，家輝即大讚說：「佢係正喎，（喺屋企望住太太都話正？）有，我話佢老有老靚，後生時又靚，年紀大又咁靚，之後老咗都係咁靚，佢喺我眼前呈現佢將來老咗都係好靚嘅女人。（你有眼光？）都係佢好彩。」問到太太駐顏有術，他有否壓力？可要keep得好？家輝趁機自讚一番：「你唔見我成日收埋佢喺屋企咩？我本身靚仔邊有壓力，我係混血兒，番禺溝廣州。」

唔介意新片變網大

就《超》片於內地變了「網大（意指：網路大電影），家輝稱不介意：「演員崗位係做好演嘅事，唔係做決策，今次故事同人物賦予嘅元素好豐富，我諗冇乜演員攞到呢個劇本唔想去做，自己作為演員竭盡所能去做。」

談到有網民指你也拍網大？家輝說：「我冇刻意唔做網大，網大都係演戲，我唔能夠排除將來我會唔會唔演網大，如果遇到心動角色或班底都會參與。」

周勵淇否認懷第二胎

同場的周勵淇去年被傳懷上第二胎，身旁的家輝就搞笑代答：「生完啦。」周勵淇澄清真的沒有生第二胎，暫時亦不考慮再生。她說：「一個小朋友都幾好，暫時唔生住，湊住個仔我已經好辛苦，全部嘢都係自己搞，之後阿仔升K2，會多返自己時間同唔使成日對住佢，應該會出返嚟做嘢，可以返吓內地。（寧願湊仔定返工？）情願返工，(老公有冇幫手湊仔?)個仔癡媽咪多啲。」家輝就安慰她，湊仔辛苦是有期限的。