【本報記者報道】蔣家旻（Angel）昨日（26日）出席香港本土設計師LuLu Cheung（張路路）新店開幕儀式。
今次Angel參演的《欺詐劇團》同《換命真相》有份提名六個獎項，當中包括「最佳女主角」，不過她笑言對攞視后無信心：「我已經好開心好感恩自己有一套短篇劇集可以做女主角，有份提名已經好開心，但我知道女主角五強一定唔係我嘅，所以我覺得有份提名已經係攞咗獎，希望自己嚟緊繼續努力，同埋有機會再做女主角。」
對於「最佳女配角」、「最受歡迎電視女角色」，Angel就更有把握：「我希望呢兩個提名都可以入到五強，咁我已經好開心，攞獎呢啲係睇天時地利人和，因為今年係我第二年參加呢個盛事，又有提名，所以我個投入感比較高啲，落力啲去拉票。」
在競爭對手方面，Angel就試劉佩玥為「勁敵」：「我覺得每一個人都有畀心機，有資格入五強，我諗勁敵可能係阿Moon，因為佢今年都好出色，拍嘅劇集都有好嘅feedback，但我哋係良性競爭對手，自己私底下都祝佢攞到女配角或者女飛躍。」
望譚俊彥黃智雯斬獲視帝視后
雖然Angel對自己拿視后無信心，但就希望譚俊彥與黃智雯可以取視帝視后：「視帝我一定要投票畀阿Shaun，因為佢做我阿哥，但我知道今年男主角競爭都好大，所以我希望他入到五強及可以攞到視帝。女主角方面，今年競爭又係好大，不過因為Mandy同我係同屆訓練班，每一次都是同個獎擦身而過，我希望今年佢有機會攞到獎。」
LuLu Cheung（張路路）於1996年創立個人同名品牌「LULU CHEUNG」，她經歷了病魔纏身、惡意競爭、親人離世等磨難後，如今重新出發，在銅鑼灣開新店，並進行為期五日的義賣活動，將收益的20%捐贈香港乳癌基金會，非常有善心。 |
您可能有興趣:
|
搜尋新聞
