2022年 10月 07日
星期五
   | 氣 溫 : 29 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

舌尖上的旅行-第一站越南
發佈日期 : 2022-08-04



/ Aka / Aka


 


疫情持續,對於喜愛去旅行嘅香港人絕對係惡夢,所以今次我地同大家嘗試係香港搵下去旅行嘅感覺。雖然日本、韓國、台灣、泰國一定係香港年輕人最愛去嘅地方,唔少人更加覺得上述嘅地方先係佢哋嘅鄉下。今次到訪嘅餐廳並唔係代表上述嘅地方,但亦都係香港年輕人十分喜愛嘅地方:越南。


 


最近銅鑼灣新開咗一間裝修得好有異國風情嘅越南餐廳,難得食越南菜嘅餐廳咁靚,經過見到好難唔比佢個裝修吸引。二樓掛滿一個一個嘅彩色燈籠,有種古樸氣色,令人置身於越南會安感覺,打卡簡直一流。店名Lua(攞。啊),越南文中「稻米」之意,樓高兩層,裝修古風得黎又有點摩登嘅感覺,而且坐位闊落,整體感覺十分寬敞舒服。


 


講到越南餐廳,Pho(河粉)一定係標誌性食物,去越南唔食Pho都唔好話自己去越南。所以一定要試下佢嘅生牛肉雜錦湯河餐廳標榜絕大部分食材和調味醬料都是從越南當地運來河粉檬粉亦每日自家新鮮製造,爽滑唔易斷。湯底標明唔落味精,用豬牛骨肉煲出精華,味道香濃之餘亦十分清甜,配上鵝蒂、青辣椒、青檸、九層塔、芫荽、辣椒等豐富嘅香料,味道更有層次。除左有安格斯牛肉,也配上牛扎肉 、牛肉丸、牛肋骨、牛皮等,牛肉腍而嫩,扎肉和牛丸嘅口感同坊間稍有不同,牛骨肉味濃郁,牛皮爽滑,簡直係牛魔王嘅盛宴。配上地道特色食法,先唧青檸汁,再加甜辣醬海鮮醬提味,更加引出湯的甜味和肉的香味。


 


另外去越南當然唔少得食法包,小篇就叫左個經典口味啦!越式法包係越南嘅一種特色菜。當地人食用時,常常加入帶甜酸味蘿蔔絲醃菜、新鮮青瓜、芫荽、辣椒,塗以豬肝醬、奶油,加入各種肉片通常當作早餐、小吃或宵夜。法包烤嘅時間控制得剛剛好,外脆內軟。豬肝醬味道突出,但比想像中溫和,而且十分滑,配搭蘿蔔絲醃菜和青瓜,口感清新。越南扎肉作為主要材料,本身就有著複雜的味道,加上莞荽提味,味道獨具風格。當種材料集合埋一齊,無論味道和口感都非常豐富,值得慢慢細味。


 


粉皮入面包住嘅係豬肉春卷,外面滑捋捋,入面脆卜卜,食落幾特別,做法同口感都十分似中式炸兩,配上酸酸辣辣嘅越式醬汁,十分開胃。


 


炸軟殼蟹脆卜卜,啖啖蟹肉有蟹嘅鮮味,同鹹蛋黃配搭簡直無得輸,香口得黎又唔會膩。


 


一道比較少見的菜,夜香花味道不重,但卻有獨特的香味,配合獨家醬汁酸酸甜甜得黎又十分清新。


 


荔枝味道清香,配合綠茶用解膩一流


 


越南咖啡特有的香味,加入煉奶令口感順滑,而且中和咖啡苦味,風味別樹一格。


 


打卡位都係重點,紅門面、特色打卡牆、沉木枱,都係滿滿越南風。


 


重點打卡位二樓露台嘅「假樓梯」位,天花板掛滿五顏六色燈籠,但只有兩張枱,想食住打卡記得book位啦。


 


 

您可能有興趣:

1
傳說中的「玲姐羊腩煲」

2
2022世界空間週

3
海倫 認可兒童財商導師 小朋友環保生活理財法

4
無綫《聲夢傳奇2》決賽 16歲任暟晴奪冠 人靚聲甜被封翻版全智賢

5
自然才是美 專訪Strawberryne-草莓網行政總裁── 伍珮瑩Jenny Ng

6
【IT狗的瘋狂宇宙】之「A grade 畢業的程式員」

7
Chloe Luk:「追求美食就像一場冒險之旅」 Maison ES於法式佳餚注入亞洲靈魂

8
Costa - 酒香不怕巷子深 Costa Wine歌詩達

9
MUXIC「第一屆NFT流行歌曲創作大賽2022」總決賽 2_zer0《舊夢》奪冠

10
AVOCARDO小編手記—「交換衣櫥日」

11
J1M3幕後走到幕前 建立屬於自己的音樂宇宙

12
「陳浩德情懷未變半世紀香港巡迴演唱會」 首場全場爆滿 觀眾反應熱烈

13
海倫 認可兒童財商導師 小朋友:爸媽上班好玩嗎?


14
Professional Coaching 化身為鏡 觀照自我 專訪HKPCC 香港專業教練吳範 Ernest Ng

15
Costa - 酒香不怕巷子深 Costa Wine歌詩達


首頁