2024年 03月 29日
星期五
   | 氣 溫 : 27 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

傳說中的「玲姐羊腩煲」
發佈日期 : 2022-10-07



文、攝/ 尋龍子


 


梧桐一葉落,天下便知秋,秋去冬來日凍,凍食羊。幾年前一日,醉友阿强話天時凍想食羊,去哪裡?


 


我話我食過的,北角街市戰鬥碗名人飯堂羊腩煲,確實不錯,但係音樂實在太嘈,已經多年沒幫襯啦一般食肆,將貨就價,用雪藏羊肉,更加非我杯茶,香港集各地食材供應,雪藏肉我一向敬而遠之。我話要食好羊腩煲,不如來我家,我訓練家廚玲姐試煮。玲姐福建妹,未煮過廣東羊腩煲,聽我回憶我媽「十二奶娘」的煮法,初煮出的味道,雖然可以,但次次不同,次次缺失,今次沒加竹蔗馬蹄,下次沒有南乳醬,總是不是廣東滋味,更煮不回媽媽的味道(當然,天下間那一個廚師可以煮出媽媽的味道?)再加上玲姐不嗜羊,難度更高。我媽教誨,「將勤補拙」,自此,每年我督導玲姐煮兩三次,更要招待朋友,用家考核,阿強逢請必到,逢到必早,卻只食不語,再有朋友介紹去九龍城街市尋找新鮮羊腩,二百幾蚊一斤,四斤羊腩,成本都已經過千,食材先決,物有所值。那一晚招呼了幾個朋友,吃過不亦樂乎,亦都接近我吃過最高水準嘅羊腩煲,當然比我老媽煮的羊腩煲,還差少少感情分。


 


當晚,問幾個老闆朋友,呢個水準羊腩煲,我覺得已經可以去賣,共享美味,外賣羊腩煲絕對有得做,不過老闆保守,一煲話成本已經400500元,哪有市場?我不信邪,我認為香港人最「為食」,只要質素夠高,宣傳啱位,有得做。食神史提芬周話齋,煮餸要有heart,食客係分得出。


 


羊腩要鮮 腐乳選大孖


 


還有,羊腩煲配腐乳,不能亂來,我鍾意試各種牌子腐乳同豉油。腐乳,我選觀塘老店大孖醬料,亦享受他們的親切招呼(雖然幫襯了十年,還未知叫乜哥乜姐?)。配酒方面,紅酒啤酒威士忌,各憑所好,各自精彩,朋友共聚,賺回一個杯盤狼藉談笑愉快的晚上。


 


玲姐羊腩煲打油詩一首:


酒债尋嚐行處有,


人生70古來稀!


東山不缺草羊現,


佳餚厨手在香江!


 


食羊腩煲,緊係揸大孖腐乳


大孖醬料


觀塘崇仁街33號(瑞和街街市)


 


羊肉唔係日日有,先打個電話穩陣啲


勝和號肉檯


九龍城市政大廈二樓M12


電話:27165682


 


玲姐私房羊腩煲


未食到玲姐羊腩煲,都有好介紹,剛剛食過蔡瀾極力推薦的西環巴依餐廳新疆羊,確實水準非凡,名不虛傳,不過真係好難訂位,一道滋味羊腿,肉味香濃,軟硬適中,評分A等。


 


巴依餐廳


西環水街43


電話:24849981


好難訂枱,早啲預約,孜然羊腿絕對要試。


 


 


另一個推薦,在北角,青藏牛肉麵的羊腩麵,孜然羊肉串,價錢大眾化,味道正宗,仲有非常罕見嘅嶗山啤酒,大家不妨一試坐在露天位置,吹著寒風來一碗熱辣辣嘅羊肉麵滋味又零舍不同。


 


青藏牛肉麵


北角錦屏街27


電話:21510506


????山啤酒,羊肉串,羊肉麵,都推薦


地點好難搵,北角地鐵站B4出口


 


 


嗜羊食腩,南有廣式枝竹羊腩煲,北有京式溂羊肉,再試西北孜然羊肉串,舌尖上的中國,正。還好,亦曾經在蒙古大草原帳篷裡,與蒙古朋友食全羊宴,飲羊奶酒,賞帳外飄飄白雪,幻想闖蕩江湖,快意恩仇,為飲食人生添上故事。


 


西安食街賣羊肉串,全羊骨架招徠,視覺震撼,烹調簡單,肉鮮味


 

您可能有興趣:

1
親攜《贖夢》衝出香港 張家輝:擔任導演壓力大 開心新作未上映已獲認可

2
陳法拉產後首現身明艷照人 首映禮後 急回紐約照顧BB

3
67歲張國強體力皮膚弗到漏油 公開四大逆齡秘訣

4
環球唱片大裁員 宣傳部全部即時離職

5
CHILL CLUB年度推介23/24 Gin Lee泳兒恨攞獎 盧瀚霆無信心「冧莊」

6
拍攝《警聲百二秒II》 張穎康遭真飛虎隊員制服

7
張敬軒飲醉怕出醜 指醉酒後會多嘢講

8
《中年好聲音2登峯之戰》 收視最高26.6點 吸173萬觀眾

9
忠實hellosss 羅淑佩親揭鍾情陳卓賢之謎 推介《地球上的最後一朵花》

10
泳兒街頭派利市宣傳新歌 笑網民現實全都是貪錢鬼

11
林秀怡演單親媽 演技大躍進 拍攝時停機仍喊 變生人勿近

12
秦煌稱不夠血 致腳無力跌倒 稱仔女有聯絡 未答有否探望

13
首爆賭王遺產分配 何超儀較:我會少一點

14
76歲秦煌跌倒送院 林偉呼籲其子女探望

15
唐詩詠首拍旅遊節目 發掘英國真實的一面


首頁