2022年 01月 26日
星期三
   | 氣 溫 : 18 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

演《仁醫》備受讚賞 鄭嘉穎初嘗搭的士不用付錢
發佈日期 : 2021-12-06


【本報記者報道】視帝鄭嘉穎昨天(5日)出席一個關懷腦退化症患者的慈善活動,在台慶劇《星空下的仁醫》飾演「鬍鬚醫生」的他,更令他初嘗搭得士不用付款的感覺。「我第一次咁大個人,搭的士唔使收我錢。落車嗰陣,個叔叔就唔駛我畀錢。佢話:『我唔收你錢啦!唔需要收。』我話:『唔好,你做生意,點都要收。』佢話:『唔使啦!真係唔使啦!你拍多啲好戲畀我哋睇啦!』嘩!我嗰刻係好溫暖,因為我拍咗咁多套劇,都未試過話唔收錢,點解鬍鬚醫生試到呢?咁係開心事嘅,多謝佢。」

現同TVB簽一騷一個合約的嘉穎不抗拒到任何電視台工作,問他TVB有否接洽他拍下一套劇,他說暫時沒有,要看緣分,指隔5年再合作,可能之後再隔5年。

就TVB深夜時段重播《怒火街頭》,問是否為視帝大熱的鄭嘉穎谷人氣?他多謝TVB睇得起他,他坦言視帝獎項改變了他一生,希望獎項能夠給未取過的人,他舉例現在播緊的《拳王》譚俊彥(Shaun)、張振朗,又操得咁辛苦。「我希望Shaun又可以賺多啲奶粉錢啦!我覺得佢哋兩個都好努力。睇觀眾,高層啦!高層啲票都好緊要!」

頭痕送什麼聖誕禮物

臨近聖誕,鄭嘉穎透露,有20多日假,但笑言唔想再Staycation,會按照慣例同家人開派對食飯慶祝,但仍頭痕緊送什麼聖誕禮物給陳凱琳,問了好多,都不願給任何提示,又驚買了她不鍾意。

首頁