2022年 09月 28日
星期三
   | 氣 溫 : 28 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

大爺燒鵝年半一變四 疫流而上有危便有機
發佈日期 : 2022-08-18



大爺燒鵝創辦人謙哥


 


燒鵝從來都是食肆兵家必爭之地,香港地用心做燒鵝,當然燒味店成行成市,競爭劇烈,要闖出名堂不易,一是做到價廉味美,相反便是做到貴價美味,唯有各師各法。這兩年疫情令飲食業經營困難,竟然有間「大爺燒鵝」於2020 年尾開設第一間後,於未夠一年半之內再連開多三間分店。「疫」流而上,究竟有乜嘢能人所不能之處?


 


偶然路過,發現「大爺燒鵝」位於宜安街的分店,亮眼之處令為食的我非常好奇。我覺得亮點有三。第一,店面燈光火著,夠晒精神,搶眼球先攞印象分。第二、夥計格外有禮,呢樣係 香港茶餐廳小食肆最難做到的地方,即係入舖時又攞一分。第三,當然係食物之性價,暫時賣個關子。


 


食肆前線新鮮人


 


今日約了「大爺燒鵝」業務經理鑌哥了解一下,問下這位半途出家的食肆前線新鮮人,如何得到這個成績?講飲講食之前,先講一下鑌哥入行的故事,原來鑌哥本身做食肆in house平面設計師,疫情之下,毅然轉行投身食肆前線。鑌哥話老闆謙哥 的飲食業經驗超過20年,連同燒味部大佬,自立門戶,嘗試走出「疫」境及嘗試 開一間街坊價錢、大師傅手法的燒鵝燒味店。第一間開在香港仔,想不到旗開得勝,很快得到街坊認同,因為自設工場,保證食物質素及供應。另外,鑌哥堅持招呼特別有禮貌,眾所周知香港的茶餐廳文化:夥計廚房都是性格巨星、伙記講嘢又快又急、廚房師傅我行我素。鑌哥話,要組織一班願意客氣招呼人客的樓面及有商有量的廚房團隊,半點不易,不過就因為他可以由零開始,沒有包袱,對人好聲好氣便成功諦造和諧工作氣氛,所以很快做出成績來。當然,老闆謙哥最滿意。


 


燒鵝燻出荔枝香 叉燒梗要有啲燶


 


推介食物。第一味推介的燒味係燒鵝,我愛燒鵝瀨粉,大爺燒鵝選取中型大細燒鵝、用荔枝柴燻香,不怕程序加多,力求做到口味突出,燒鵝皮薄入口即化,肉質細嫩。叉燒亦都係主打,我試咗半肥瘦叉燒,做到軟硬適中,肉質細緻。叉燒採用本地中豬腩,肥瘦平均,皮脆肉嫩,由專 人控制火候。


 


訪問期間,見到燒鵝由工場陸續一雙一對拍拖出場,好處係熱辣辣源源供應,顧客多了機會食到熱燒鵝,美女有所謂一白遮三醜,美食就一熱勝萬家,我話嘅。當然啦,亦沒可能任何時間燒鵝都出爐,所以我個人喜好食燒鵝瀨粉,用湯汁幫燒鵝加溫,令肉質更加軟稔,更啱我口味。


 


價錢方面,走平民中價路線,燒鵝飯55元,下午茶燒鵝瀨粉送熱飲35元,全日半隻燒鵝 250元,北角店另送叉燒一份,


 


性價比可以。食飽飽,做大爺。正是老闆謙哥為顧客為先的經營之道,將人客寵成大爺的服務精神。疫情嚴峻,生意難做,大家不妨支持小店,多多幫襯。


 


 


Box


香港仔田灣旗艦店


田灣田灣街 12 號南津迎岸地下 2 號 電話:2392 2366


 


香港仔始創店


香港仔香港仔大道 146 號地下 電話:2568 2183


 


北角店


北角電氣道 254-256 號地下 電話:3596 3107


 


觀塘店


觀塘聯安街 17 號連安大廈地下 電話:2357 4833


 


 

首頁