2024年 03月 29日
星期五
   | 氣 溫 : 23 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

一家獨市唯有啞忍
發佈日期 : 2018-07-22

新馬季將編排三次「三日跑兩次」賽事。

【風花雪月/子樂】較早前馬會公布咗新一季賽期,一季八十八次不變,跑馬地日賽有一次、沙田日賽四十六次;跑馬地夜賽有三十六次、沙田夜馬五次,至於會唔會加多啲場數,只有到時至知。樂仔唔係好記得剛季賽期係點樣編排,係咪與新季一模一樣,懶去搵答案,但係睇到新季有三次賽事係隔日又跑,此舉唔係幾好囉,就算剛季都係咁,並唔代表新季都要係咁。



戰事頻密難消化


基本上,一季八十八次賽事已經「質」到密密麻麻,除非係無賭不歡、夠皮唔夠癮嘅一類,否則都會感到幾「飽」,一星期兩日尚且頂得順,但三日跑兩次,係咪多咗呀,仲要係一季之內有三次咁多,十月一日與七月一日嗰兩次可以理解嘅,至於復活節賽期嗰次有冇需要咁「質」落去呢?


不過講咩都冇用,依家投注額年年創新高,馬會睬你都傻,整靚盤數至上,俗語有話一雞死一雞鳴,唔鍾意嘅大可離場,反正好多人繼續加入呢個賽馬圈子,大把賭仔成為新血,所以,就算對馬會有怨言嘅馬迷朋友,唯有啞忍,一家獨市冇辦法啦!



 

首頁