藝人麥美恩（Mayanne）及譚杏藍（Hana）昨日到迪士尼出席珠寶公司活動，傻大姐形象深入民心的Mayanne一身復古亮相，令人眼前一亮，她表示打扮有維多利亞的感覺。

Mayanne更擔任catwalk show的評審，與一眾嘉賓分享時尚心得，更親身教授行show高分秘訣。Hana亦呼應主題，穿上一身復古打扮，與米奇一同慶祝生日！

美國旅行無艷遇

談到有傳她拍旅遊節目時，被拍檔吳若希扮大家姐欺負的傳聞，Mayanne說：「消息傳出時我啱啱喺美國，私下我哋真心係朋友，亦有喺group chat講過呢件事，真心朋友唔使理負評，多謝森美大哥幫我哋平反，friend就friend無得呃，大家會睇到，個節目成績好。（私下會約吳若希食飯？）食過一次，想再約，等森美拍完劇先啦！」Mayanne又透露剛從美國旅行返港：「請父母去玩，留咗一星期，順便探親戚。」她指此行沒有艷遇。