【特稿】
世事無常，人命脆弱。交通警員林海雲處理交通意外時遭貨車撞斃，有女司機事後把由車Cam拍下殉職警員在出事前執勤情況的片段上傳至互聯網，並錄音講述當時情況。她透露，當時警方截車封路，自己駕車在紅磡漆咸道北沿橋落斜時，已見有警車在場，於是立即減慢車速。她說：「右手邊有架黑色私家車，佢哋（警員）就想將佢（黑色私家車）移去左邊嘅巴士站度，唔好阻住果個位」。當自己的座駕被截停約兩分鐘，警方放行不久，後方即發生意外。她感慨萬分，不禁長嘆一聲說：「2分鐘前，仲見到佢（殉職警）企係我『車Cam』前面，係度行緊過去做嘢，咁就冇咗啦。」
該女司機在錄音中透露：「我（在漆咸道北）臨落斜已經見到有（警車）藍紅燈，咁就收慢架車，個差人就行出嚟，當時見到幾個差人，跟住就截停我架車，佢哋想將右邊架黑色私家車，移去左邊巴士站，唔好阻住快線。」
她續稱：「被撞死嗰個差人，係喺『車Cam』左邊持電筒係咁照嗰個，差人截停晒所有車之後，開始移車，跟住出事差人由我左邊走到我車尾方向，後面仲有幾架車都停咗落嚟，不過當時我冇望倒後鏡。」
她指出，約兩分鐘後，警察讓車輛放行，「但當差人一放車，我都未到蕪湖街燈位（離現場約200米），就聽到『嘭』一聲好大聲，我望後鏡見到，我心諗（有車輛）收唔切炒落架警車度，但我都唔知道死咗人。」該名女司機表示，其後收到上司電話指自己因車禍封路被困車龍中，當時她感到奇怪。她說：「後來看新睇新聞，先知（貨車）撞落警車嗰下，撞到嗰個差人，跟住仲要死埋。」說到此處，女司機長嘆一聲說：「2分鐘前仲見到企係我『車Cam』前面，係度行緊過去做嘢，咁就冇咗啦。」 |
搜尋新聞
