【特稿】
旺角行人專用區大媽愈唱愈強,街坊愈聽愈火滾,困擾多年的嘈音問題最終以「殺街」了結,有在港擺檔的日本檔販認為應保留行人專用區,讓不同表演團體進駐,令街道變成香港特色,有人則贊成「殺街」,認為可讓街道回復秩序。
可考慮規管表演團體
在街邊擺檔賣手作的日本人Toshi盼保留行人專用區:,「若能吸納更多不同表演團體及准許擺攤檔,這條街或可變得更多元,成為香港特色街道。」本港市民黎小姐亦反對取消行人專用區:「似乎係區議會懶得處理班堵路嘅表演者,所以索性一刀切殺街。」同行友人李小姐則認為可以規管表演團體:「其實可以考慮搞發牌制度,減少行人專用區上嘅表演團體,直接殺街只會令到條街更加擠逼。」
在西洋菜南街擺檔多年的寬頻推銷員則坦言,見證街道變質,因此支持「殺街」:「早三、四年前行人專用區邊係咁(口架),嗰班大媽就好似cancer(癌症)咁,呢幾年愈搞愈大,你享受啫,人哋當係噪音呀,係時候要截一截喇。」他又批評大媽霸路嚴重影響其他人生意:「成棚人圍住睇唱歌,路都冇得行,啲人寧願行外街兜路都唔行入嚟,咁邊有生意呀?」
另一市民李先生亦贊成「殺街」:「呢到表演班人已經失晒控,個個落嚟唱歌搵食,呢到條街變得好乞人憎。」他建議政府可以在西九文娛區劃分區域,供團體表演,讓西洋菜南街回復秩序。不過,有售賣手機產品的地舖職員則認為「殺街」與否均沒有影響:「取唔取消都冇所謂,條街總會有人行,有人行就自然有生意。」 |