【本報娛樂組報道】藝人歐陽震華（Bobby）昨天接受商台訪問談及以前在TVB「跑龍套」時，曾遇到不能啞忍的時候。他說：「收到一個電話，他叫我演嫖客，我問有無對白，豈料對方話『好嘢呀，又有女攬，又唔使咩對白，好好撈呀！』好不尊重，我很生氣，立即冚線，所以我可能得罪好多人。」

對於當年拍攝《壹號皇庭》前，Bobby表示曾想過不與無綫續約，「TVB一個月得幾千蚊人工，當時做售貨員都起碼有10,000元，《壹號皇庭》出現扭轉了自己的想法，但其實我拍完《壹號皇庭》I同II，我有離開過無綫，公司不同我續約，由我流失，我話人工冇所謂，但我想轉部頭，佢冇覆我，我最記得拍完《壹號皇庭II》，我就約滿，我行出閘口，心諗『咁就唔要我喇？』點知我出到去，真是大開眼界，在出面拍低成本的戲，1年賺的就是無綫10年的錢。」問他為何之後選擇返無綫？Bobby說：「因為《壹號皇庭III》開，大家歸隊，找我回去傾，不用傾了，轉部頭，所以我由93年開始轉部頭形式。」