無綫新劇《神耆小子》昨日（2日）進行拜神儀式，一眾演員蕭正楠（阿蕭）、鄭則士（Kent哥）、傅嘉莉和冼靖峰（Archie）等都有現身！今次阿蕭與Archie在劇中演一對「父子」，Archie坦言曾拍攝《青春本我》，但正劇就是首度拍攝，所以面對一班前輩做戲非常緊張，亦預會被人鬧。

採訪、攝影：黎永樂

阿蕭表示：「冼靖峰做我養子，但係我哋好似好兄弟咁相處，我冇展示父親嘅威嚴，有一次佢救咗Kent哥返嚟，Kent哥係我仇人嚟！所以佢就夾咗我同Kent哥中間做磨心，好慘！

Archie就表示非常期待，因自己是獨生子，跟兩位前輩合作，雖然不是做真正父子，但關係就有如兄弟一樣，並不是平時傳統見到的父子關係，所以大家的相處節奏都像好朋友一樣。

談到太太黃翠如早前飛到哥倫比亞拍攝旅遊節目時，整個團隊遇上槍戰，阿蕭說幸好太太沒事：「佢冇事，我返嚟香港一陣，跟住太太又飛咗喇！太太當時身處哥倫比亞，真係喺槍戰之中，佢話食完飯返去酒店先，跟住班槍手就嚟了！我哋可能會覺得好正常，但係我哋呢啲未去過嘅，遇上槍林彈雨都係危險嘅！

問到翠如現時在甚麼地方？他說：「而家好似去咗科索沃，真係一啲我完全係唔會去嘅地方，不過佢都有報平安，仲話曬到變黑妹，不過佢去咗好多地方都好靚，見到佢開心，我都開心，但我都叮囑佢唔好做啲咁危險嘅嘢，佢話有啲人去玩鋼索，我叫佢千祈唔好玩。」

李海銅視Kent哥偶像

另外，被傳媒封為TVB藝訓班「班花」的李海銅，亦有份演出《神耆小子》，她視Kent哥為偶像，今次能與本尊共演，她興奮表示：「我會視今次為一個學習機會，都好開心可以同一班同學開工，我都希望可以快啲睇到Kent哥演技，我可以現場睇到佢做戲已經好期待，我已經當贏咗！」早前有份亮相《警聲百二秒》的她，指拍攝過程收獲不少，她說：「學識咗點樣對鏡頭，學咗好多警例，好開心！」