天后容祖兒與Twins成員蔡卓妍(阿Sa)和鍾欣潼(阿嬌)私下老友鬼鬼,一直以來這個三人組合,主要是聯群結隊吃喝玩樂。雖然三人一直都想認認真真做一件事作為紀念,但多年來都只限構思未有行動。不過最近便認真起來,攜手合唱全新國語歌《全副舞裝》,更獲邀去到澳門新濠影匯拍攝MV,一於三位閨蜜合體出動。
口頭之約終可實踐
新歌有別於三人過去的作品,祖兒更指這不單是Hip Hop,甚至是火辣性感之舉。問到三人為何首次合作便選擇這種「火辣」曲風,大家一致認為唱快歌,感覺會開心一些。作為三人首度切切實實合作的作品,祖兒覺得最開心不止一齊拍MV,而且也見到朋友認真工作的一面。祖兒說︰「大家好朋友相處咁多年,私下係好熟,但在工作上一齊去完成一件事,才會有更深體會。過程中既可互相了解,又能發揮互補不足的功能。」
最令阿嬌開心的是口頭講了多年的合作,今次終於可以實踐出來。至於阿Sa,合作期間就當祖兒是Twins的新成員一樣。她說:「我跟阿嬌已經合作多年,好有默契,所以我會當祖兒是新成員。當我在旁邊睇祖兒工作時,會留意佢點樣去面對鏡頭,點去堅持做到最好,無形中都變成我嘅學習過程。」
希望三人共演歌劇
拍攝過程中,大家的閨蜜之情再次發揮得淋漓盡致,就算拍攝單人部分,其餘兩人陪伴在身邊,祖兒甚至充當工作人員,親自拿着風筒為阿嬌做效果,場面非常有愛!三人更急不及待討論,若然再有機會,下一首會合唱甚麼類型的歌。祖兒說︰「我好喜歡Twins有首歌叫《你講你愛我》,有一種開心嘅氣氛,而且又帶啲百老匯歌舞嘅感覺,我幻想到如果可以一齊穿上閃閃歌衫去唱,會好有趣。」阿Sa說︰「我比較想試Band Sound,因為大家可以盡情發瘋咁,感覺好熱血!」阿嬌則說︰「如果真係唱Band Sound,我相信自己最多係喺你們身邊不斷搖頭造勢,至於我最想嘅,就係三人可以表演一次歌劇。」