歌手吳若希（Jinny）、衛蘭（Janice）及鍾景輝（King Sir）等到一間中學出席「聲音的力量」記者會，Jinny表示會分享閱讀過陳美齡的書籍，內容關於探訪第三世界國家。說到要以普通話錄製有聲書，她自言在內地生活過所以沒問題，又認為現今香港小朋友的普通話較好，包括自己的弟弟：「佢講廣東話有好多懶音，一二三會講咗一二山。」提到女兒在家中會接觸兩文三語，Jinny直言不擔心女兒有語言問題：「因為我係嚴媽，不過佢仲講緊BB話，我會問佢可唔可以講番中文！我有時都唔知佢講乜，工人姐姐叻啲。」

至於再追小朋友，她直言沒這麼快，又自爆與老公試過但失敗了：「試咗一個月就放棄，老公唔勤力都無計。」她解釋生小朋友後夫妻間較少時間給對方，要趁女兒睡着就到附近散步拍拖，又笑言：「講到好老咁，其實我廿幾歲咋！」

衛蘭聲帶問題有改善

而Janice就坦言近來較少外出，有時會留在家中看書，笑言少機會結識異性也沒所謂：「我啲朋友都係旅行先遇到，見到人拍拖會令我有希望。」剛剛放假兩星期的她表示要製作有關信仰的新專輯，感到非常興奮，慶幸休息過後聲帶問題已大有改善，稍後會繼續內地、香港及澳門的工作，但未決定會否出席年底的音樂頒獎禮。

King Sir表示剛拍完無綫劇集，雖然有不少外景，但戲組安排的時間很好：「唔算辛苦，佢哋好遷就老人家，我唔使太早開工，黃心穎同張振朗都好照顧我。（會唔會再接劇？）暫時未有。」他透露平時在家休息及準備11月的演讀劇場演出，會與理工大學生合作。 <文>陸曼美