藝人楊怡、張慧儀及莊思敏代言人身份，昨日到尖沙咀出席醫學美容中心開幕，同場還有莊思明、楊明、陳展鵬、安德尊、張達倫等。楊怡表示無綫新劇《再創世紀》播出後，帶挈她不少登台、廣告及代言工作，今次酬勞更是開心價。由於與老公羅仲謙同是貪靚之人，希望客戶贊助她之餘，連帶家人也能受惠。問到最想改善身體哪部分？她說：「收緊囉！因為之前化得太多妝，搞到皮膚敏感，想用儀器V面，謙仔成日都話要保持青春，佢又貪靚，都會敷mask。」

反拍希望對方收歛

對於楊怡前晚在社交網貼上憤怒鳥的圖片，指有傳媒闖入她家中門口偷影，她說：「我係有啲震驚同嬲，係侵犯咗私隱，我認得佢亦都影低咗，希望下次唔好再係咁啦。因為佢對住我屋企影，又影花園，如果啲相無傷大雅就算，但作為藝人，屋企係好自由嘅地方，會着得好隨意，咁做會造成好大困擾。」問到老公羅仲謙有何反應？她說：「佢無反應，淨係叫我息怒！」

張慧儀囝囝做手術

張慧儀透露最近忙於國內工作，拍廣告及剪綵活動，月底會休息一下，因為囝囝10月就會做手術，希望多些時間陪他，她對囝囝做手術有點心痛，近日可能因壓力而變得忟憎：「囝囝係happy child，佢上次入院檢查都係麻醉咗，佢仲同我講瞓醒就做完，反而問番我心情。」她又表示最近加入了兒童心臟基金會，成為正式執行委員，希望可以回饋社會。