周星馳新作《新喜劇之王》繼黃金組合「柳飄飄」的張栢芝聲演後,星爺又邀請了農夫為新戲的角色聲演。農夫幽默搞笑,轉數又快,與星爺的第一次合作已經一拍即合,在配音工作中大放笑彈,兩人見到星爺親筆簽名的摺櫈,嚷着話想要來珍藏,又拿着扮海報中的人物pose影相,更和星爺一同拿摺凳合照留念!星爺不時與陸永C君兩人搭晒膊頭,工作過後更大讚兩人「平靚正」。
循循善誘乘機偷師
農夫二人今次分別為兩名戲中角色配音,C君形容自己的角色是一名已過氣的演員,而陸永就描述:「我是一名導演,戲中C君所配的角色就要拍我套電影,詳情就要入戲院睇喇。」以往多次與Do姐(鄭裕玲)合作的農夫,今次要面對出名嚴厲的星爺,反而笑說:「講惡係無人類可以同Do姐媲美到,星爺都無鬧過我哋,其實他對我哋太仁慈善良喇。」他們更難得正經地分享從星爺身上學到甚麼,C君:「星爺會循循善誘,佢會不斷問你意見,畀我哋自由發揮,所以會在他佢嘅提問當中學到嘢。」陸永則讚歎:「星爺有時會為我哋示範點配,同一句都可以有好大分別,賺了好多經驗。」
喜劇元素不斷爆發
相信不少人都認為農夫兩人是因為其喜劇細胞而被星爺看上,但他們卻搞笑自嘲:「其實係因為我哋收得夠平,又無嘢撈,夠晒得閒。」雖然收得平,但農夫一見到星爺就問:「有無飯盒食?」星爺回覆:「無!」陸永即說:「無飯盒唔緊要架!我唔食飯都得!」三人你一言我一語後,星爺補充:「佢哋啲喜劇元素係不斷爆發,佢哋應該係平靚正。」<文>娛樂部 |