趙慧珊（左）和吳嘉熙在情人節齊齊出動。

2月14不一定顛沛流離，女子組合Super Girls隊長趙慧珊（Aka）和吳嘉熙（Cheronna）於情人節晚上於尖沙咀連鎖米線店快閃，大派戀愛御守，期間更以「獨特口音」挑戰急口令，爆笑全場。2月15日正是Aka的32歲生日，壽星女獲主辦單位送上「尖椒皮蛋蛋糕」，令她大感驚喜，又笑言感謝大家陪她度過情人節，令她不致孤單！

solo歌曲在起步階段

人靚聲甜的Aka，是不少人的女神，憶述最難忘的情人節禮物，她說：「好耐之前有男仔親手整份禮物畀我，係用百力滋串住啲提子，雖然好有心思，不過收到嘅時候啲朱古力已經溶晒，個畫面都幾搞笑。」問到情人節有沒有收花，Aka鬼馬表示：「有呀，好多添！早幾日開音樂會，好多朋友都好有心，送上好靚嘅玫瑰花，係女仔都鍾意收花嘅，不過我都叫大家唔好嘥錢，送花不如請我食嘢，我好為食㗎。」

至於生日願望，Aka笑言：「希望繼續得到大家嘅認同，證明我係樂壇一份子。過去一年推出咗自己嘅音樂作品，今年都係呢個計劃，喺solo歌曲方面算係起步階段，所以最近都有同監製、填詞人朋友傾下，聽多啲意見；另外今年都有計劃舉辦畫展，希望一切順利。」