朱晨麗（朱朱）、何廣沛、龔嘉欣、江嘉敏、吳業坤（坤哥）等昨日在電視城參加新劇《大醬園》拜神儀式，朱朱及何廣沛在劇中飾演歡喜冤家，朱朱自爆太入戲，連編審亦叫她不用太惡。何廣沛乘機大呻：「佢將啲私人恩怨發洩喺我身上，次次拍親劇都對我好惡。（真人係咪咁惡？）真人好優雅，香港小姐冠軍。」

偷看男方沖涼

而朱朱則踢爆何廣沛會在劇入面大騷身材，有一幕他在房內半裸上身，朱朱自己則在窗外偷看。問到兩人可有親熱場面？朱朱說：「有一幕係我沖涼，佢就喺度游水，劇情係大家都赤裸嘅，都好尷尬，唔知到時會點拍。」何廣沛立即表示會怕醜，朱朱則說：「我唔怕醜，我都有睇《3日2夜》，睇過佢嘅身材。」

承認拍劇受傷

談及朱朱早前拍劇受傷，她承認，並表示要小心一點，她說：「今次套劇有幕同龔嘉欣一齊搬缸，佢又整親手指尾，所以我哋兩個受傷嘅人就輕手啲，導演都錫住我哋。（唔影響拍攝？）都ok。」她又指在劇中飾演古代速遞員，要踩三輪車，有動作場面，其後又會做「豉油妹」。

問到可會擔心再受傷？朱朱說：「佢哋錫住我，都會喺安全範圍下做。」問到何廣沛可有肉痛？他表示不擔心，因為朱朱拍過《特技人》，都是半個特技人，還要踩三輪車，他坐在後面，而自己都會照顧朱朱。

經常半夜開工

此外，龔嘉欣透露劇組因要遷就將開個唱的坤哥檔期，經常半夜才能開工，故坤哥除了要包他們一日三餐外，更要幫手搣橙。她又直認有睇中醫調理身體，坤哥即笑言會照顧她，甚至做她的司機。

另外，坤哥力撐胡鴻鈞不是態度嚣張的人，亦沒聽過他自誇勁過林峯，相信「雪藏」一事只是誤傳。