【本报记者报道】陈法拉今年3月诞下细仔，生完B后火速瘦身，她快闪香港出席活动，同场还有韩国完美男神朴炯植，法拉当晚就飞返美国凑仔。她笑说，大女虽然好锡细佬，有时行为特登曳，吸引爸妈注意，法拉开心分享一家四口生活趣事。

法拉赞老公照顾小朋友好叻，花好多时间畀小朋友，不过法拉笑言工作上嘅嘢较少同老公讲，法拉指有次阿女见到屋企附近酒店挂咗佢有份演出嘅电影海报，阿女每次经过都话呢间係妈咪嘅酒店。

指因不懂上海话 无缘演《繁花》

法拉暑假即将开拍新戏，对手係金球影帝Colin Farrell，新戏仲会返香港及澳门取景，法拉开心返香港拍戏，好挂住香港嘅朋友，佢到时逗留约两个月，法拉今次饰演一个喺澳门赌场工作嘅女仔，后嚟识咗男主角，二人惺惺相惜。

法拉早前透露曾跟王家卫接触，因唔识上海话无缘参演《繁花》，法拉亦有睇《繁花》，赞拍摄好靓，同时好欣赏胡歌嘅演出。