【洪禮賢講馬】

序：
今日天氣大致多雲，有幾陣驟雨及局部地區雷暴，一直延續至下周中，到底雨勢有幾密？是不是落在沙田上空？對我們有切身關係，地快地慢，令賽道產生變化，揀馬方向可能有很大出入。
最近莫雷拉手風唔順，相反潘頓順到不得了，來到今日沙田賽期，前者騎足十一場，昨日3倍以下熱門有三隻，後者跑十場，熱門數目不相伯仲，且看最後哪位孭鑊。

＜第5，7場＞

重心場次：

第5場第四班（60-40分）1400米
「快樂實在」腳傷停賽一年有多，復出跑同程，早段留得太後，直路又攞位不順，尚且有兩腳，演出勝預期，假如跑完一場進度向上，以其能力，足以在今場興風作浪。
「旋風腿」此際當打，分數追落後，排到好位更加安心，三甲分子。「勁嘉輝」近兩仗輸近而不入三甲，賽績似好非好，其實有借口，此外，埋尾工夫忽然變招，超過一年冇見過，唔似等落班，此類冷門有買早、冇買錯。「有錢分」如肯留後衝而步速合適，威力甚大。「不羈的風」上場姿態勁，惟加磅多，不無影響。
「忠心美麗」從來無緣。「金碧科」近仗大致跑盡。「金得彩」急口問題未改。「大將風勝」3歲仔未教好。「威風駿馬」情緒比前轉佳，可惜4月尾停過課。

重心場次：

第7場第三班（80-60分）1200米
「友瑩囍」近仗依然故我，陣中兩頭揈兼斜跑，不過上場確有多少進步，至少不用貼欄，沿路二叠跟得順，拉士再爆一段；假如演出水平持續，諒可殺入三甲一席。
「春花秋月」剛賽早段處理手法比離譜更離譜，賽後騎者那段所謂解釋，並非事實全部，多餘！至於今場如何演繹，估佢唔到，若發揮正常，前駒不容安枕。「傳奇」三班是否不夠贏？多看一回。「同樂日」前領威力頗強。「順意寶」看不透，QT冷腳。
「地大大」泥地與草地該有分別。「加州多寶」近仗已不快，回跑短途難有作為。「德勝門」累積多點經驗，該有可為。「多紅利」此程盲門。「星運判官」一哩才會捧場。