「精彩飛動」(左)今戰強手而去兼強配潘頓，相信取

【洪禮賢講馬】序：

今晚八場谷草C欄賽事，跑道模式難計數，不過一而再說過，季尾特色來襲，無論田草或谷草，埋仗、前置多數有賺，除非遇到特殊情況，不然該類賽駒必是受益者。
上個禮拜日好似「開倉派米」，大熱W有六匹、潘莫二人共贏10W、蔡摩兩廐共7W，此類賽果對一些熱門客相當好賭，尤其喜歡「夾叠」落注者，過得兩三關，利錢豐厚。

＜第5，8場＞

重心場次：

第5場第四班（60-40分）1650米
「精彩飛動」如果單看上場走勢，完全沒有再追價值，然而前一場卻是另一種睇法，之所以，買與不買，有些拿不定主意，惟基於對手相當普通，點可能唔動心。
「活力寶駒」死步頭馬，步步靠檻，五檔起步好跑，勿因何梁二人放手便睇小。「活力飛彈」濕地性能有根據。「劍聶風」勉可跟多一場。「喜多樂」有點前景，冷門可拖。
「開心兄弟」急口難留，未教好。「睡眠大學」從來冇好感，就算贏了，當開圍骰。「君子承諾」前仗已完成任務。「塑料喜」近仗仍是冇進展。「駿協精英」中檔出閘略感尷尬。

重心場次：

第8場第三班（80-60分）1200米
「神威敖翔」上場「外遊」敗績可以不理，以之前兩場田草1400米賽績，套在今場綽綽有餘，何況，排在二檔，前中段料可守在有利位置，由頭賺到尾，係時候勝回一仗。
「會長之星」谷草能力比田草優勝。「育馬妙星」兜了幾場田戰，終於重返首本路程，冷門佳選。「酷比哥」如早段楔得好，可爭三甲。「禾道駒」路程性能強，外檔都要揀。
「大聚會」回到三班已是另一世界。「真先生」近仗大致已跑盡。「問鼎高峰」操練流程並不完整，機會渺茫。「利害了」初出走勢尚可。「富萬家」三班不利，九成九係開路先鋒。