「玩得好」(橙衫)今季曾於三班同程入Q，今次落班

序：
今日沙田十場草地C欄賽事，會不會又係兩位「約翰」大鬥法之餘，不停由潘頓及雷神贏馬，此現象彷彿沒完沒了，賽季已進入最後倒數階段，長此下去，一定唔健康。
之前幾次賽事都受天雨影響，然而今日應該唔會，天晴地快卻不一定令賽道公平，事關C欄有自己「性格」，正常估計，仍是埋便及前置秤先，如直路飛外疊，幾難貫注到尾。

＜第5，9場＞

重心場次：

第5場第四班（60-40分）1200米
「玩得好」早已立心落班，今場肯行舊路，返回唯一贏馬路程，且由愛將潘頓操刀，劃公仔劃出五臟六腑耶！九成九搏命，再講，四場之前在三班同程有Q，級數豈是同級馬可比。
「明駿之星」連跑幾場中短途，成績得以保持，近況信得過。「好友利」前一場完全不懂甚麼是競跑，上仗加罩判若兩駒，冇理由唔跟。「濃有」剛賽臨近終點尚算有兩腳。「贏多多」此程勉可應付。
「赤水神駒」谷草短途係唯一出路。「生生發發」沒有任何印象，下季再算。「馬友寶寶」試閘不討好，出賽為汲取經驗。「睡眠大學」雖有縮程因素，基於早已放手，頭也不回。「航天勇將」減多3分可降班，何須衝動。

重心場次：

第9場第三班（80-60分）1400米
「美麗動力」上場直路李寶利走位近似發夢！不然至少有P。是賽換人再跑相同路程，除非賽道完全冇得追，若不，末段必有發揮機會，唯一挑剔地方係「摩田」，季內此騎練合作成績為零比七。
「孟買之星」似是行回上季同期路向，可爭前列。「自在人生」經已一再失望，本來已死心，純粹看在磅輕及位好份上。「再享耆成」里程未盡，只忌騎者重躋周三覆轍。「綫路勇駒」上仗末程走勢幾韌，邊線冷腳。
「蒙古傳奇」剛賽輸近係錯覺，完全拜步速形勢所賜。「獨角寶寶」要是適應得好，來季三班中程應有作為。「韻妙星」演出有上有落，不易估計。「友誼之星」今季已交差，不如減分鋪後路。「大師級」剛賽走勢略有改進。