「喜勝駒」現身處四班評分有利，今次突然由潘頓重新

【洪禮賢講馬】近來賽果是冷是熱，潘頓與莫雷拉是關鍵人物，就像剛周中谷草夜馬，二人尾兩場各贏一隻，而頭六場頭馬當中，有好幾匹都係冷W，包括25倍「鵲橋飛渡」、30倍「喝采」、21倍「最驫 」與19倍「勤德兼備」，爆完一匹接一匹，或多或少「有賴」潘莫二人不斷熱倒。
明日沙田十場草泥地混合賽，他倆當然較多餐士熱門，尤其係潘頓，獨贏2倍以下可能有三至四匹，所以，這日賽果是冷是熱，這位準冠軍騎師可操生殺大權。
第三場第四班草地1000米，「極速前進」和「舞士精神」各有優點，前駒近績穩定，後駒貴為舞王愛駒，一出即勝，九成九係逢出必拼之馬，本來馬膽非此即彼，不過「好利錢」或會繼續賺外欄，於是投其信任一票。
「好利錢」前一場步速極快，臨尾勁平；上場段速少快，末程纏鬥力強得多，這兩役跑線一樣，到底係進度或賽事步速之助？可能係一半半，而估計今場步速不太快，對其跑法之利，可爭前列。
第四場第四班草地1400米，「喜勝駒」去季三班同程入P，其時評74分，一年多之後減至四班52分，不多也不少，突然回到此程，並由潘頓重新接手，事出必有因，提防重現雄風。